សុខភាព
កាហ្វេស្វាងងងុយមែន តែបើផឹកច្រើនពេក នឹងជួបជំងឺ ៥ មុខនេះ រហូតដល់ស្លាប់បាន
កាហ្វេបានក្លាយជាភេសជ្ជៈពេញនិយម របស់មនុស្សជាច្រើន ក្នុងការទទួលទានជារៀងរាល់ថ្ងៃ ហើយក៏ជួយឲ្យអារម្មណ៍ល្អ មានថាមពល និងដាស់ខួរក្បាលឲ្យស្វាងងងុយ។ ប៉ុន្តែក្នុងពេលជាមួយគ្នានេះ ការផឹកកាហ្វេច្រើនពេក ក៏បានរួមចំណែកដល់ការប៉ះពាល់ដល់សុខភាពរាងកាយផងដែរ។ តើហានិភ័យ នៃការបង្កជំងឺគឺជាអ្វី?
១ ជំងឺបេះដូង ផឹកកាហ្វេច្រើនពេក រួមចំណែកដល់ហានិភ័យនៃជំងឺបេះដូង tachycardia arrhythmia រួមទាំងជំងឺទាក់ទងនឹងសាច់ដុំបេះដូង នោះក៏ព្រោះតែជាតិកាហ្វេអ៊ីនជំរុញឲ្យបេះដូងយើងលោតខុសប្រក្រតី រហូតដល់ពេលខ្លះ វាអាចធ្វើឲ្យញ័របេះដូង ជាពិសេសប្រសិនបើមនុស្សស្រីមានជំងឺបេះដូងរួចទៅហើយនោះ នឹងធ្វើឲ្យរោគសញ្ញាកាន់តែធ្ងន់ធ្ងរ។
២ ជំងឺ beriberi ជាធម្មតា នៅពេលដែលរាងកាយខ្វះវីតាមីន B1 វាបណ្តាលឲ្យកើតជំងឺ beriberi រហូតទៅជាសាច់ដុំខ្សោយ ហើម ជួនកាលនាំឲ្យគាំងបេះដូង និងស្លាប់បាន។ មូលហេតុមួយដែលធ្វើឲ្យរាងកាយខ្វះវីតាមីន B1 គឺដោយសារយើងផឹកកាហ្វេច្រើនពេក។ ដោយសារតែជាតិកាហ្វេអ៊ីន នឹងរំខានដល់ការស្រូបយកវីតាមីននេះ ហើយមិនថាយើងញ៉ាំអាហារសម្បូរវីតាមីន B1 ប៉ុណ្ណាទេ ប្រសិនបើទម្លាប់ផឹកកាហ្វេច្រើនក៏មិនជួយដែរ។
៣ ជំងឺពុកឆ្អឹង មូលហេតុមួយក្នុងចំណោមមូលហេតុនៃជំងឺពុកឆ្អឹង គឺការផឹកកាហ្វេច្រើនពេក។ ដោយសារតែកាហ្វេរំខានដល់ការស្រូបយកជាតិកាល់ស្យូម។ វាក៏រារាំងការប្រើប្រាស់កាល់ស្យូមផងដែរ។ ជាលទ្ធផលឆ្អឹងមិនត្រូវបានចិញ្ចឹម រហូតដល់កើតជំងឺពុកឆ្អឹង ហើយអ្នកខ្លះបានធ្វើតាមនោះ។
៤ ជំងឺលើសឈាមស សម្រាប់អ្នកដែលមានជំងឺលើសឈាម ជាការចាំបាច់ក្នុងការប្រុងប្រយ័ត្ន នៅពេលផឹកកាហ្វេ។ ព្រោះបើមានទម្លាប់ផឹកកាហ្វេច្រើនពេក នឹងបណ្ដាលឲ្យមានការរំញោចនៃការបញ្ចេញ adrenaline នៃមុខងារបេះដូងកើនឡើង ហើយវានឹងធ្វើឲ្យបេះដូងអ្នកលោតញាប់ជាងមុន សម្ពាធឈាមអាចកើនឡើង ហើយនៅពេលដែលសម្ពាធឈាមឡើងខ្ពស់ពេក វានឹងបង្កជាជំងឺផ្សេងៗផងដែរ។
៥ ជំងឺក្រពះ ផឹកកាហ្វេលើស វានឹងជំរុញការបញ្ចេញអាស៊ីដផងដែរ។ ការបញ្ចេញជាតិអាស៊ីដកាន់តែច្រើន បង្កើនឱកាសនៃការខូចខាតក្រពះ។ សម្រាប់អ្នកដែលមានជំងឺរលាកក្រពះ ប្រសិនបើអ្នកផឹកកាហ្វេច្រើនពេក វានឹងជំរុញឲ្យមានដំបៅច្រើនក្នុងក្រពះ រហូតដល់បណ្តាលឲ្យឈឺពោះធ្ងន់ធ្ងរ។
ជាការពិតណាស់ ការផឹកកាហ្វេមានអត្ថប្រយោជន៍ជាច្រើនលើរាងកាយ។ ប៉ុន្តែប្រសិនបើផឹកលើស វានឹងជះឥទ្ធិពលអវិជ្ជមានដល់រាងកាយផងដែរ ដូច្នេះត្រូវតែព្យាយាមគ្រប់គ្រងបរិមាណកាហ្វេ ឲ្យបានត្រឹមត្រូវ ក៏ដូចជាត្រូវយកចិត្តទុកដាក់លើការទទួលទានអាហារទាំង ៥ ក្រុម ដើម្បីឲ្យរាងកាយទទួលបានសារធាតុចិញ្ចឹមពេញលេញ និងកាត់បន្ថយហានិភ័យនៃការវិវត្តទៅជាជំងឺផ្សេងៗផងដែរ៕
ប្រែសម្រួល៖ សាង ស្រីល័ក្ខ
ចុចអាន៖៧ វិធី ទទួលបានអត្ថប្រយោជន៍ពីការផឹកកាហ្វេ និងមិនប៉ះពាល់ដល់រាងកាយ
-
ជីវិតកម្សាន្ដ៤ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៧ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៤ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៤ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៧ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ជីវិតកម្សាន្ដ៧ ថ្ងៃ ago
តារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ
-
ព័ត៌មានអន្ដរជាតិ៥ ថ្ងៃ ago
ជប៉ុន នឹងធ្វើរនាំងកម្ពស់២ម៉ែត្រកន្លះបាំងទេសចរមិនឲ្យមើលឃើញទេសភាពភ្នំហ្វូជី