ជីវិតកម្សាន្ដ
តារាស្រី ៥ រូប ល្បីល្បាញថាស្អាត និងកំពុងអង្រួនលើឆាកដើរម៉ូដអន្តរជាតិមិនធម្មតា
សព្វថ្ងៃនេះ តារាបង្ហាញម៉ូដមានច្រើនទម្រង់ផ្សេងៗគ្នា ជាមួយនឹងរូបរាងដ៏ស្រស់ស្អាត មកពីជុំវិញពិភពលោកនៃគ្រប់ជាតិសាសន៍។ ក្នុងនោះ លើវិថីដើរម៉ូដបច្ចុប្បន្ននេះ គេសង្កេតឃើញតារាស្រី ៥ រូប កំពុងសំងំកសាងកេរ្តិ៍ឈ្មោះឲ្យកាន់តែល្បីរន្ទឺថែមមួយទៀត នៅលើឆាកអន្តរជាតិ។
១ Ashley Graham
នាងមានអាយុ ៣៤ ឆ្នាំគឺជាតារាបង្ហាញម៉ូដដ៏ល្បីល្បាញដែលកំពុងអង្រួននៅលើវិស័យដើរម៉ូដនិងចាប់ផ្ដើមមានឈ្មោះលើគម្របទស្សនាវដ្ដី។ Ashley ជួយតម្រង់ផ្លូវនិងបំផុសគំនិតសម្រាប់នារីគ្រប់ទីកន្លែង ហើយមិនត្រឹមតែសាងកេរ្តិ៍ឈ្មោះលើវិថីដើរម៉ូដនោះទេ អាកប្បកិរិយា និងសុជីវធម៌របស់នាង ក៏បានយកឈ្នះលើមហាជនផងដែរ។
២ Gigi Hadid
Gigi គឺជាឈ្មោះរបស់តារាបង្ហាញម៉ូដដ៏ល្បីមួយនៅក្នុងវិស័យម៉ូដ និងត្រូវបានបោះឆ្នោតជ្រើសរើសជា “International Model of the Year” ដោយក្រុមប្រឹក្សា Fashion របស់ចក្រភពអង់គ្លេសកាលពីឆ្នាំ ២០១៦ ក្នុងវ័យត្រឹមតែ២៧ ឆ្នាំប៉ុណ្ណោះ ។ អាជីពនាង ផ្ដើមនៅពេលនាងមានអាយុ៣ឆ្នាំ នៅពេលនោះ នាងត្រូវបានជ្រើសរើសដោយក្រុមសំលៀកបំពាក់ Guess ប៉ុន្តែនាងបានត្រលប់ទៅសាលារៀនវិញមួយរយៈ មុនពេលធ្វើជាតារាបង្ហាញម៉ូដ នាងបានវិលត្រលប់មកវិញប៉ុន្មានឆ្នាំក្រោយមក ក្នុងឆ្នាំ ២០១១។
៣ Bella Hadid
Bella ជាប្អូនស្រី Gigi នាងក៏ជាតារាស្រីដ៏ល្បីមួយទៀត នៅក្នុងពិភពសម្រស់ម៉ូដ និងជាតារាបង្ហាញម៉ូដផងដែរ។អាជីពដំបូងរបស់នាង គឺបានធ្វើការផ្សាយពាណិជ្ជកម្មតាំងពីអាយុ ១៦ ឆ្នាំ មុនពេលត្រូវបានចុះហត្ថលេខាជាមួយភ្នាក់ងារបង្ហាញម៉ូដក្នុងឆ្នាំ ២០១៤។ មិនយូរប៉ុន្មាន នាងបានចាប់ផ្តើមដើរលើវិថីសិល្បៈ ដោយបានបង្ហាញខ្លួនជាលើកដំបូងនៅក្នុងឆ្នាំដដែល។ មួយឆ្នាំក្រោយមក នាងបានបន្ថែមអ្នករចនាម៉ូដ ដើម្បីធ្វើការជាមួយនាងដូចជា៖ លោក Marc Jacobs, លោក Tommy Hilfiger, អ្នកស្រី Diane von Fürstenberg និងច្រើនរូបទៀត។ នាងបានបន្ថែមការងារជាមួយក្រុមធំៗទៀត ចាប់តាំងពីពេលនោះមក រួមទាំងការធ្វើការជាមួយ Chanel Couture ហើយថែមទាំងបានក្លាយជាទូតសុឆ្ទៈឲ្យ Dior Beauty ទៀតផង។
៤ Kendall Jenner
បើនិយាយអំពី Kendall Jenner គ្រប់គ្នាប្រាកដជាបានស្គាល់ច្បាស់អំពីនាងហើយ។ នាងជាសមាជិកនៅក្នុងត្រកូល Kardashian-Jenner។ នាងមិនមែនតារាទូរទស្សន៍ទេ ប៉ុន្តែនាងល្បីក្នុងផ្នែករបស់នាងនៅក្នុងកម្មវិធី Keeping Up with the Kardashians និងកម្មវិធីផ្សេងៗជាច្រើនទៀត។ Kendall ក៏ជាតារាបង្ហាញម៉ូដដ៏គួរឱ្យគោរពមួយរូបផងដែរ ដោយដើរក្នុងកម្មវិធីបង្ហាញម៉ូដនៅទីក្រុង Milan ប៉ារីស និង ញូវយ៉ក ហើយកម្មវិធីបង្ហាញម៉ូដ Victoria’s Secret ក៍បានអញ្ចើញនាងចូលរួមផងដែរ។
៥ Frederikke Sofie
ដំបូងឡើយ នាងត្រូវបានជ្រើសរើសដោយភ្នាក់ងារតារាបង្ហាញម៉ូដ នៅពេលដែលនាងមានអាយុ ១៤ឆ្នាំ Frederikke Sofie កើតនៅដាណឺម៉ាក ប៉ុន្តែនាងមានឱកាសដ៏ល្អ ដោយសារតែរូបរាងដ៏ស្រស់ស្អាតពីកំណើត។ តារារូបនេះ ក៏បានបានធ្វើយុទ្ធនាការរបស់ខ្លួន ជាមួយនឹងឈ្មោះដ៏ធំបំផុតមួយចំនួន នៅក្នុងពិភពរចនាម៉ូដ ដែលទាំងនេះ រួមមាន Zara, Missoni និង Chloé ផងដែរ៕
ប្រែសម្រួល៖ សិលា
ចុចអាន៖Britney Spears សុំបាត់មុខមួយរយៈ ពីបណ្ដាញសង្គម
ចុចអាន៖តារាល្បី ៤ រូប ប្រជែងសម្រស់គ្នា ប្រើប្រេនសំលៀកបំពាក់តែមួយ ក្នុងកម្មវិធីពានរង្វាន់ Grammy
-
ជីវិតកម្សាន្ដ១ សប្តាហ៍ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ២ ថ្ងៃ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ៣ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៧ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៧ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៥ ថ្ងៃ ago
មន្ត្រីជំនាញប្រើថវិកាជាតិលើការជួសជុលច្រាំងស្ពានវត្តគរ រហូតដល់ ៥ លើក
-
ព័ត៌មានអន្ដរជាតិ៧ ថ្ងៃ ago
ណាសា រកឃើញសញ្ញាជីវិតលើភពមួយ ខណៈគេសង្ស័យថា ជា Alien
-
ព័ត៌មានអន្ដរជាតិ៣ ថ្ងៃ ago
ផ្ទុះរោងចក្រឈើនៅវៀតណាម ផ្តាច់ជីវិតមនុស្ស ៦នាក់