កូរ៉េខាងជើង ឲ្យប្រើថ្នាំទាំងនេះព្យាបាលកូវីដ

ប្រទេសកូរ៉េខាងជើងបានលើកទឹកចិត្តឲ្យអ្នកជំងឺប្រើថ្នាំបំបាត់ការឈឺចាប់ និងថ្នាំកាត់បន្ថយគ្រុនក្ដៅ ដូចជា ថ្នាំ Ibuprofen និង Amoxicillin ក៏ដូចជាថ្នាំអង់ទីប៊ីយោទិចផ្សេងទៀត ដើម្បីព្យាបាលកូវីដ ប៉ុន្តែត្រូវចេញវេជ្ជបញ្ជាដោយគ្រូពេទ្យជំនាញ ។

ទន្ទឹមនោះលោក គីម ជុងអ៊ុន ក៏បានប្រាប់អ្នកជំងឺកូវីដរបស់កូរ៉េខាងជើងឲ្យខ្ពុរមាត់ជាមួយទឹកអំបិល ផឹកតែ Lonicera ឬតែស្លឹក ៣ ដងក្នុងមួយថ្ងៃដើម្បីព្យាបាលមេរោគនេះផងដែរ ។

កាលពីសប្តាហ៍មុន កូរ៉េខាងជើងបានទទួលស្គាល់ជាលើកដំបូងអំពីការផ្ទុះឡើងនៃជំងឺកូវីដ ១៩ ខណៈក្រុមអ្នកជំនាញព្រមានថា វិបត្តិនេះអាចបំផ្លិចបំផ្លាញប្រទេស ដោយសារតែការផ្គត់ផ្គង់ផ្នែកវេជ្ជសាស្រ្តនៅមានកម្រិត និងគ្មានយុទ្ធនាការចាក់វ៉ាក់សាំងជាដើម ។

រហូតមកដល់ពេលនេះកូរ៉េខាងជើងកំពុងជួបប្រទះការផ្ទុះឡើងនៃរោគសញ្ញាជំងឺ “គ្រុនក្តៅ” ចំនួន ១.៤ លានករណី ខណៈយ៉ាងហោចណាស់មនុស្ស ៥៦ នាក់បានស្លាប់ និងជាងកន្លះលាននាក់កំពុងទទួលការព្យាបាល បន្ទាប់ពីប្រកាសរកឃើញករណីដំបូងកាលពីថ្ងៃទី ១២ ខែឧសភា ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ កូរ៉េខាងជើង រកឃើញព្រឹត្តិការណ៍ផ្ទុះឆ្លងកូវីដយ៉ាងធំសម្បើមបែបនេះ