លោក ឡុង ឌីម៉ង់ អញ្ជើញទៅបោះឆ្នោត នៅមណ្ឌលអនុវិទ្យាល័យហ៊ុនសែនឃ្លាំងលើ ខេត្តព្រះសីហនុ

លោក ឡុង ឌីម៉ង់ អភិបាលរងខេត្តព្រះសីហនុ បានអញ្ជើញទៅបោះឆ្នោត ជ្រើសរើសក្រុមប្រឹក្សាឃុំ-សង្កាត់អាណត្តិទី ៥ នៅមណ្ឌលអនុវិទ្យាល័យហ៊ុនសែនឃ្លាំងលើ ការិយាល័យលេខ: ០២៩៧ សង្កាត់ ១ ក្រុងព្រះសីហនុ ខេត្តព្រះសីហនុ នៅព្រឹកថ្ងៃទី ៥ ខែមិថុនា ឆ្នាំ ២០២២នេះ។

សូមជម្រាបថា ដំណើរកានៃការបោះឆ្នោត ជ្រើសរើសក្រុមប្រឹក្សាឃុំ-សង្កាត់ នៅថ្ងៃទី ៥ ខែមិថុនា ឆ្នាំ ២០២២នេះ បានប្រព្រឹត្តទៅនៅទូទាំងប្រទេស ដោយធ្វើឡើងព្រមៗគ្នានៅតាមការិយាល័យ ដែលបានរៀបចំ ដោយគណៈកម្មាធិការជាតិរៀបចំការបោះឆ្នោត។

ចាប់ពីម៉ោង ៧ព្រឹក ថ្ងៃទី ៥ ខែមិថុនានេះ គេសង្កេតឃើញប្រជាពលរដ្ឋ បានអញ្ជើញទៅដល់ការិយាល័យបោះឆ្នោត ដែលមានបញ្ជីឈ្មោះរបស់ខ្លួនរៀងៗខ្លួនយ៉ាងច្រើនកុះករ ដែលបង្ហាញឲ្យឃើញពីការយល់ដឹងរបស់ប្រជាពលរដ្ឋ ក្នុងការប្រើសិទ្ធ និងកាតព្វកិច្ចជាពលរដ្ឋ ក្នុងប្រទេសលទ្ធិប្រជាធិបតេយ្យសេរីពហុបក្ស៕

អត្ថបទ៖ ស្រីរ័ត្ន