តារារ៉េប វណ្ណដា កំពុងជួបទុក្ខដ៏ក្រៀមក្រំ

ភ្នំពេញ: តារាចម្រៀងរ៉េបល្បីឈ្មោះ វណ្ណដា និងក្រុមគ្រួសារពេលនេះកំពុងជួបទុក្ខដ៏ក្រៀមក្រំនឹងសោកសៅ ក្រោយពេលដែលមនុស្សជាទីស្រលាញ់និងគោរពផងនោះ បានទទួលមរណភាពនៅថ្ងៃទី ០៨ ខែ កក្កដា ឆ្នាំ ២០២២ នេះ។

អ្នកគាំទ្របានចាត់ទុកថា នេះគឺជាដំណឹងមរណទុក្ខដ៏ក្រៀមក្រំបំផុតសម្រាប់តារារ៉េបវ័យក្មេង វណ្ណដា និងក្រុមគ្រួសារទាំងមូល។ តាមរយ:នេះដែរ ក៏មានមហាជនព្រមទាំងអ្នកសិល្បៈដូចគ្នាបានសម្ដែងនូវការសោកស្ដាយ នឹងចូលរួមរំលែកទុក្ខជាមួយតារាចម្រៀងរ៉េប វណ្ណដា ក៏ដូចជាក្រុមគ្រួសារពួកគេទាំងមូលផងដែរ។

ប្រភពឲ្យដឹងថា វណ្ណដា ពេលនេះគឺកំពុងជួបទុក្ខធំ ដោយសារបាត់បង់មនុស្សជាទីស្រឡាញ់ក្នុងគ្រួសារ ពោលគឺលោកអ៊ំស្រីបង្កើតរបស់លោកតែម្តង ដែលបានទទួលមរណភាពគ្មានថ្ងៃវិលត្រឡប់វិញឡើយ។ ក្នុងនោះគេក៏ឃើញ វណ្ណដា សរសេរសំណេរទាំងអារម្មណ៍ក្តុកក្តួលថា « ម៉ាក់អ៊ុំអរគុណសម្រាប់ការមើលថែ និងពេលវេលាល្អៗដែលធ្លាប់មានជាមួយគ្នា May you rest easy in grace and love»៕

អត្ថបទដោយ៖ ចាន់រ៉ា