ព័ត៌មានជាតិ
តោះ! មកដឹងប្រវត្តិខ្លះៗរបស់អភិបាលខេត្តព្រះវិហារថ្មី លោក គីម រិទ្ធី ដែលជាកូនទេសរដ្ឋមន្រ្តី គន់ គីម
លោក គីម រិទ្ធី ដែលគេច្បាស់ថា ជាកូនប្រុសច្បងរបស់លោកទេសរដ្ឋមន្ត្រី គន់ គីម ត្រូវបានព្រះករុណា ព្រះបាទ សម្ដេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ត្រាស់បង្គាប់តែងតាំងជាអភិបាលខេត្តព្រះវិហារថ្មី នៅថ្ងៃទី២៧ ខែកក្កដា ឆ្នាំ២០២២។ លោក គីម រិទ្ធី ក្លាយជាអភិបាលខេត្តព្រះវិហារទី១១ បន្ទាប់ពីលោក ប្រាក់ សុវណ្ណ ដែលត្រូវបានដាក់ឲ្យចូលនិវត្តន៍។
បទពិសោធន៍ការងារ
មុនពេលកាន់តំណែងជាអភិបាលខេត្តព្រះវិហារនេះ លោក គីម រិទ្ធី ធ្លាប់កាន់តំណែងជាច្រើនទាំងក្នុងក្របខណ្ឌមន្ត្រីរដ្ឋបាលសាធារណៈ ក្របខណ្ឌនគរបាលជាតិ និងក្របខណ្ឌកងយោធពលខេមរភូមិន្ទ។
នៅក្នុងឆ្នាំ២០០៥ លោក គីម រិទ្ធី កាន់តួនាទីជាស្នងការរងនៃស្នងការដ្ឋាននគរបាលខេត្តកណ្ដាល ទទួលបន្ទុកផ្នែកព្រហ្មទណ្ឌ និងប្រតិបត្តិការ។ បន្ទាប់ពីបានបំពេញការងារជាមន្ត្រីនគរបាលជិត ២ឆ្នាំ លោកក៏ផ្លាស់ប្ដូរក្របខណ្ឌ ដោយត្រូវមកបំពេញការងារជាមន្ត្រីយោធាវិញនៅក្នុងឆ្នាំ ២០០៧។
នៅឆ្នាំ២០១១ លោកត្រូវបានដំឡើងឋានន្តរស័ក្តិជាឧត្តមសេនីយទោ (ផ្កាយ២) ជាមួយនឹងមុខតំណែងជានាយរងសេនាធិការចម្រុះនៃកងយោធពលខេមរភូមិន្ទ។
លុះនៅអំឡុងខែធ្នូ ឆ្នាំ២០១៤ លោកត្រូវតែងតាំងជាអភិបាលរងខេត្តកណ្ដាលរហូតដល់ខែកុម្ភៈ ឆ្នាំ ២០២២ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសម្រេចផ្ទេរភារកិច្ចលោក គីម រិទ្ធី ពីអភិបាលរងខេត្តកណ្តាល ឲ្យមកកាន់តំណែងជាអគ្គនាយករងនៃអគ្គនាយកដ្ឋានរដ្ឋបាលក្រសួងមហាផ្ទៃ។
ក្រៅអំពីការងារជាមន្ត្រីរាជការ លោក គីម រិទ្ធី ក៏ជាមេដឹកនាំក្រុមយុវជនដ៏សកម្មមួយរូបនៅសហភាពសហព័ន្ធយុវជនកម្ពុជា ហៅកាត់ថា ស.ស.យ.ក ផងដែរ គឺក្នុងតួនាទីជាអនុប្រធានសហភាពសហព័ន្ធយុវជនកម្ពុជា និងជាប្រធាន ស.ស.យ.ក ខេត្តកណ្ដាល។
ប្រវត្តិសិក្សា
បើក្រឡេកមកមើលប្រវត្តិនៃការសិក្សារបស់លោក គីម រិទ្ធី វិញនោះ គឺលោកជាយុវជនម្នាក់ដែលបានទទួលការអប់រំ និងបណ្ដុះបណ្ដាលពីក្រៅប្រទេស ដូចជា សហរដ្ឋអាមេរិក និងសិង្ហបុរី។ នៅក្នុងនោះឆ្នាំ១៩៩១-១៩៩៥ លោកចូលរៀននៅវិទ្យាល័យ ហ៊ុន សែន សេរីភាព ក្រុងតាខ្មៅ ហើយលោកផ្លាស់ទៅរៀននៅអនុវិទ្យាល័យ Bukit Merah នៅប្រទេសសិង្ហបុរី ក្នុងឆ្នាំ១៩៩៥-១៩៩៨។ ក្រោយបញ្ចប់កម្រិតវិទ្យាល័យនេះ គឺលោកសិក្សានៅមហាវិទ្យាល័យនីតិព្រហ្មទណ្ឌ នៅទីក្រុង New York សហរដ្ឋអាមេរិក ដោយលោកទទួលបានសញ្ញាបត្រកម្រិតបរិញ្ញាបត្រវិទ្យាសាស្ត្រ ក្នុងឆ្នាំ២០០២ និងសញ្ញាបត្រអនុបណ្ឌិតផ្នែកព្រហ្មទណ្ឌ ឆ្នាំ២០០៤។ ទន្ទឹមគ្នានេះ នៅឆ្នាំ២០១២-២០១៣ លោកក៏បន្តយកសញ្ញាបត្រអនុបណ្ឌិតផ្នែកគ្រប់គ្រងសាធារណៈ នៅសាលាគោលនយោបាយ លីក្វាន់យូ ប្រទេសសិង្ហបុរី ថែមទៀត៕
ដោយ ៖ ធឿន វ៉ាន់សុង
-
ជីវិតកម្សាន្ដ៤ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៧ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៤ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៧ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ជីវិតកម្សាន្ដ៧ ថ្ងៃ ago
តារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ