ជនរងគ្រោះក្នុងហេតុការណ៍ធ្លាក់អេក្រង់ LED អាចពិការអស់មួយជីវិត

អ្នករាំម្នាក់ដែលបានរងរបួសយ៉ាងធ្ងន់ធ្ងរ អំឡុងពេលប្រគុំតន្ត្រីរបស់ក្រុមតន្ត្រីបុរសហុងកុង Mirror នៅតែដេកលើគ្រែ ហើយពិបាកក្នុងការធ្វើចលនា ស្របពេលដែលឱកាសជាសះស្បើយតែ ៥%ប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃសោរ៍ ទី៣​ ខែកញ្ញា ឆ្នាំ២០២២ លោក Reverend Derek Li Shing Lam ដែលជាឪពុកជនរងគ្រោះ បានបង្ហាញការធ្វើរោគវិនិច្ឆ័យរបស់គ្រូពេទ្យទៅលើកូនប្រុសរបស់គាត់ថា Mo Li Kai Yin មានឱកាសជាសះស្បើយតិចណាស់ ខណៈស្ថានភាពវិវត្តទៅជាពិការមានរហូតដល់ ៩៥%ឯណោះ។  ទោះយ៉ាងណា ពេលនេះគាត់កំពុងស្វែងរកការព្យាបាលដោយចាក់ម្ជុលវិទ្យាសាស្ត្រទៅលើ Mo Li បន្ថែមទៀត។

គួររំលឹកថា Mo Li Kai Yin ត្រូវបានអេក្រង់ទម្ងន់ជាង ៥០០គីឡូ ធ្លាក់សង្កត់នៅលើឆាកពេលកំពុងសម្តែងនៅឯមហោស្រព Hong Kong Coliseum កាលពីថ្ងៃទី២៨ ខែកក្កដា។ ក្រោយជួបឧបទ្ទវហេតុ Mo Li រងរបួសយ៉ាងធ្ងន់ធ្ងរ ដែលបណ្តាលឱ្យគេស្ថិតក្នុងសភាពពិការ សឹងមួយតួមួយខ្លួន។

បច្ចុប្បន្ន ទាំងវេជ្ជបណ្ឌិតចិន និងវេជ្ជបណ្ឌិតលោកខាងលិច បានធ្វើការពិនិត្យ ព្រមទាំងតាមដានលើ Mo Li យ៉ាងហ្មត់ចត់ ហើយពួកគេបានបង្ហើបថា ឱកាសជាដូចដើមពិតជាតិចតួចណាស់ គេអាចនឹងពិការអស់មួយជីវិត ព្រោះតែឆ្អឹងខ្នង និងសរសៃប្រសាទរបស់គេ មិនអាចជាសះស្បើយទាំងស្រុងឡើយ៕

ប្រែសម្រួល៖ សន្យា

ចុចអាន៖ Adele ឈ្នះពានរង្វាន់ Emmy ដំបូងបំផុត

ចុចអាន៖ Chris Rock ទើបទម្លាយអារម្មណ៍ពិតដែលត្រូវទះកំភ្លៀង ថែមទាំងដៀល Will Smith ថា ជាសុភាពបុរសក្លែងក្លាយ