ខេម ឆ្លើយតបភ្លាមៗក្រោយមានសំនួរថា ពេលណាឡេីងឧកញ៉ា ?

តារាចម្រៀងសម្លេងស្អកលោក ខេម ស្របពេលដែលអាជីពសិល្ប:កំពុងជោគជ័យគួរឲ្យកត់សម្គាល់នោះស្រាប់តែមានអ្នកគាំទ្រមួយចំនួនបានលើកជាសំនួរពាក់ព័ន្ធការឡើងងារជាឧកញ៉ាដែលសួរថា ពេលណាទើបលោកឡើងងារឧកញ៉ា។

សំនួរនេះត្រូវបានគេយល់ថា ដោយសារពេលបច្ចុប្បន្នកំពុងមានអ្នកសិល្ប: និងអ្នកនិពន្ធស្រុកខ្មែរមួយចំនួនក្រោយជោគជ័យលើវិថីសិល្ប:បានឡើងទៅជាឧកញ៉ា ។ តួយ៉ាងដូចជា កំពូលតារាចម្រៀង ព្រាប សុវត្ថិ ,តារាចម្រៀង ខេមរ: សិរីមន្ត ប្រធានសមាគមមិត្តសិល្ប:ស្ម័គ្រចិត្តជួយសង្គមលោក ហេង ឡុង និងអ្នកនិពន្ធលោក យឹម តាស្រង់ ជាដើមដែលសុទ្ធសឹងតែទទួលបានងារជាឧកញ៉ា។

ឆ្លើយតបទៅនឹងសំនួររបស់អ្នកគាំទ្រខាងលើត្រូវបានតារាចម្រៀង ខេម បានបញ្ជាក់ច្បាស់ៗថា ម្នាក់ៗសួរមកកាន់ខ្ញុំថាពេលណាឡេីងឧកញ៉ា? ត្រឹមមានសំណាងរាប់អានបងៗដែលមានងាឧកញ៉ាខ្ញុំរំភេីបបាត់ហេីយ ហេីយនោះក៏ជាសំណាងខ្ញុំដែរ ជូនពរបងប្អូនមានសំណាងល្អគ្រប់គ្នា ខ្ញុំមានសំណាងណាស់ដែលបានមករស់ក្នុងក្រុមហ៊ុនGalaxy Navatra។

បន្ទាប់ពីមានការឆ្លើយតបពីសំណាក់លោក ខេម ជុំវិញរឿងរ៉ាវឡើងជាឧកញ៉ានេះ ក៏មានការបញ្ចេញមបតិរបស់អ្នកគាំទ្រ ថា ​អំពើល្អគង់តែជោគជ័យនៅថ្ងៃមុខកុំកម្សត់ពេកជូនពរបងសុខភាពល្អនិងជោគជ័យគ្រប់ភារកិច្ចនៃការងារ។ ឯខ្លះទៀត​ថា ហេតុអ្វីចង់ក្លាយជាឧកញ៉ា អ្នកចង់បានងារជាឧកញ៉ា គឺជាមនុស្សមិនចេះគ្រប់ក្នុងឆាកជីវិត បើខ្ញុំវិញសុំត្រឹមពលរដ្ឋធម្មតា​មានលុយចាយគ្រប់គ្រាន់ក្នុងជីវិតនេះវាល្អពេកហើយ៕

អត្ថបទ៖ ចាន់រ៉ា