តារាសម្តែង Brad Pitt ដាក់លក់ផ្ទះវីឡាធ្លាប់រស់នៅជាមួយលោកស្រី Angelina Jolie

យោងទៅតាមគេហទំព័រ Vanity Fair បានឱ្យដឹងថាតារាសម្តែង Brad Pitt កំពុងលក់វិមានតម្លៃ ៤០ លានដុល្លាររបស់លោកនៅទីក្រុង Los Angeles នេះគឺជាទ្រព្យសម្បត្តិដែលលោកធ្លាប់រស់នៅជាមួយលោកស្រី Angelina Jolie និងកូន ៦ នាក់មុនពេលលែងលះគ្នា។

តារាសម្តែង Brad Pitt បានដាក់លក់អចលនទ្រព្យផ្ទះវីឡាដ៏ធំទូលាយដែលមានទីតាំងនៅសង្កាត់ Los Feliz នេះក្នុងតម្លៃប្រហែល ៤០ លានដុល្លារក្នុងខែនេះ ដោយតារាសម្តែងរូបនេះបានទិញ ផ្ទះនេះក្នុងឆ្នាំ ១៩៩៤ ក្នុងតម្លៃ ១.៧ លានដុល្លារពីតារាសម្តែង Cassandra Peterson ។

ជាមួយនេះផ្ទះវីឡាធ្លាប់កន្លែងដែលតារាសម្តែង Brad Pitt រស់នៅជាមួយអតីតភរិយាលោកស្រី Angelina Jolie ក្នុងឆ្នាំ ២០០៥ ដោយផ្ទះវីឡានេះស្ថិតនៅលើផ្ទៃដី ១.៩ ហិចតា និងមានផ្ទះមានទំហំ ៦,៦៩២ ហ្វីតការ៉េ ដែលសាងសង់ក្នុងឆ្នាំ ១៩១៥ ក៏ដូចជាមានអាងហែលទឹកខាងក្រៅដ៏ធំ សាលកីឡា វាយកូនបាល់ឯកជន និងសួនជិះស្គី ។

ទោះជាយ៉ាងណាក៏ដោយ ផ្ទះវីឡាមិនត្រឹមតែកន្លែងរស់នៅប៉ុណ្ណោះទេ កន្លែងនេះក៏រក្សាទុកនូវអនុស្សាវរីយ៍ជាច្រើនរបស់ Brad Pitt ជាមួយលោកស្រី Angelina Jolie ក៏ដូចជាកូនទាំង ៦ នាក់ Maddox, Pax Thien, Zahara, Shiloh និងកូនភ្លោះ Knox និង Vivienne ៕

ប្រែសម្រួល៖នាងតូច

ចុចអាន៖ចាប់បានតារាចម្រៀង Sam Smith លួចបណ្ដើរមិត្តប្រុសថ្មី