ព័ត៌មានអន្ដរជាតិ

បុរសវ័យ ៦៣ឆ្នាំម្នាក់ ស្លាប់លើយន្តហោះ ពេលកំពុងហោះចេញពីប្រទេសថៃទៅកាន់អាល្លឺម៉ង់

បានផុស

២ years មុន

នៅ

ថ្ងៃចន្ទ ១២ កុម្ភៈ ២០២៤

ដោយ

យោងតាមសេចក្តីរាយការណ៍ពី sanook បានបញ្ចាក់ថាបុរសម្នាក់បានស្លាប់នៅលើជើងហោះហើរពីថៃ ទៅកាន់ប្រទេសអាល្លឺម៉ង់ នៅពាក់កណ្តាលអធ្រាត្រកាលពីថ្ងៃព្រហស្បតិ៍ទី ០៨ ខែកុម្ភៈ ឆ្នាំ ២០២៤។ ឧបទ្ទវហេតុនេះបានបង្កើតឲ្យមានការភ្ញាក់ផ្អើល និងសោកស្ដាយជាខ្លាំងចំពោះអ្នកដំណើរដែលធ្វើដំណើរតាមជើងយន្តហោះ។

តាមអ្នកឃើញហេតុការណ៍បានឲ្យដឹងថា បុរសវ័យ៦៣ឆ្នាំម្នាក់ កំពុងធ្វើដំណើរជាមួយប្រពន្ធជនជាតិហ្វីលីពីនដោយជ្រើសរើសប្រើប្រាស់ក្រុមហ៊ុនអាកាសចរណ៍ Lufthansa តាមយន្តហោះ Airbus A380 ដើម្បីធ្វើដំណើរពីប្រទេសថៃទៅកាន់គោលដៅនៅប្រទេសអាល្លឺម៉ង់។ ក្នុងពេលធ្វើដំណើរ បុរសនោះចាប់ផ្ដើមមានអាកប្បកិរិយាចម្លែក។ គាត់ស្រាប់តែបែកញើសកាន់តែច្រើន និងដកដង្ហើមលឿន បណ្តាលឲ្យអ្នកដំណើរជាច្រើនផ្តល់ជំនួយដំបូងដល់គាត់។

យ៉ាងណាក៏ដោយ មុនពេលរោគសញ្ញារបស់បុរសរូបនេះឆ្នាំកាន់តែអាក្រក់ទៅៗ គាត់បានក្អួតឈាម ហើយឈាមមួយចំនួនធំបានប្រឡាក់លើជញ្ជាំងយន្តហោះរួមទាំងតំបន់ជុំវិញផ្សេងទៀត ដែលបង្កើតភាពភ័យស្លន់ស្លោជាខ្លាំងដល់អ្នកដំណើរនៅលើជើងហោះហើរនោះ។

ក្រោយមក អ្នកបម្រើលើយន្តហោះបានមកជួយបុរសនោះភ្លាមៗ ដោយបានធ្វើ CPR ប្រមាណជា ៣០ នាទី ប៉ុន្តែនៅតែមិនអាចជួយសង្គ្រោះជីវិតបុរសនោះបានឡើយ។ កាពីទែនបានដឹកសពគាត់ទុកមួយឡែក និងប្រកាសពីការស្លាប់របស់បុរសវ័យចំណាស់ដល់អ្នកដំណើរផ្សេងទៀតឲ្យបានដឹងជាដំណឹង។

បន្ទាប់ពីហេតុការណ៍ដ៏រន្ធត់មួយបានកើតឡើង ជើងហោះហើរត្រូវត្រឡប់ទៅព្រលានយន្តហោះក្នុងប្រទេសថៃភ្លាមៗដើម្បីយកសាកសពបុរសអាល្លឺម៉ង់ដែលបានស្លាប់នៅលើយន្តហោះធ្វើតាមជំហានបន្ទាប់។ ចំណែកខាងអ្នកដំណើរផ្សេងទៀត ក្រុមហ៊ុនអាកាសចរណ៍ទទួលខុសត្រូវដោយការកក់ជើងហោះហើរទាំងអស់ឡើងវិញ។ មានតែប្រពន្ធរបស់អ្នកស្លាប់ប៉ុណ្ណោះ ដែលត្រូវស្នាក់នៅទីក្រុងបាងកកតែម្នាក់ឯង និងរៀបចំឯកសារសម្រាប់ការស្លាប់របស់ស្វាមីទាំងអស់ដោយខ្លួនឯង៕

អត្ថបទ៖ សាង ស្រីល័ក្ខ

ចុចអាន៖បុរសថៃម្នាក់រងការរិះគន់ពីអ្នកទស្សនា ក្រោយបង្ហាញឃ្លិបទទួលទានបង្កងឆៅលាងជាមួយសូដា