ក្រោយរៀបការជិត៦ខែ Kimberly ថា ស្វាមីជាតំបន់សុវត្ថិភាព និងតែងតែគាំទ្រនាងយ៉ាងខ្លាំងក្លា

បន្ទាប់ពីរៀបមង្គលការដល់ទី២ដង គូស្នេហ៍ Mark Prin Supara និង Kimberly Ann Kimberly Ann កាន់តែបង្ហាញនូវជីវិតផ្អែមល្ហែម ហើយពួកគេក៏ជាគូស្នេហ៍ក្នុងក្ដីស្រមៃរបស់មនុស្សគ្រប់ៗគ្នាដែលប្រាថ្នាចង់បាន។ ថ្វីបើមិនទាន់មានដំណឹងល្អក្នុងគ្រួសារយ៉ាងណាក្ដី ប៉ុន្តែនាពេលថ្មីៗនេះ ភាគីខាងស្រីបានចេញមុខទម្លាយអារម្មណ៍ពិតក្រោយរៀបការជិតកន្លះឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី១៩ ខែកុម្ភៈ តារាសម្ដែង Kimberly បានផ្តល់បទសម្ភាសន៍ដល់ទស្សនាវដ្តី Vogue Thailand រៀបរាប់ពីជីវិតក្រោយរៀបការក្នុងវ័យ ៣២ឆ្នាំ និងនិយាយអំពីស្វាមីជាទីស្រលាញ់ របស់នាងដោយឥតលាក់លៀមក្រោយរៀបមង្គលការយ៉ាងអធិកអធ័មរួចមក ជីវិតរបស់នាងស្រាប់តែប្រែប្រួលខុសមុនទ្វេរដង។ ស្វាមីរបស់នាងនាពេលនេះគឺជាតំបន់សុវត្ថិភាពរបស់នាង ហើយគាត់ប្រៀបដូចជាខ្នើយមួយក្នុងជីវិត ដែលជាប្រព័ន្ធគាំទ្រដល់នាងយ៉ាងខ្លាំងក្លា។

ជាមួយគ្នានេះដែរតួឯកស្រីក្នុងរឿង “វិថីស្នេហ៍កូនភ្លោះ” បានរៀបរាប់ទាំងញញឹមទៀតថា Mark ជួយនាងបង្ហាញអារម្មណ៍ពិតគ្មានលាកកំបាំងហើយពេលនេះនាងមាន​អារម្មណ៍​ថា ខ្លួនឯងមាន​ស្មារតី​រឹងមាំ​ជាងមុនគ្រប់យ៉ាងគឺដោយសារ​ស្វាមីនៅពីក្រោយ។ មិនថាមានបញ្ហាអី្វកើតឡើង ​ ឬចូលមកក្នុងជីវិតនោះទេ ប៉ុន្តែស្វាមីតែងតែឲ្យនាងមានអារម្មណ៍​គ្រប់យ៉ាងគឺ​មិន​អី​ទេ គាត់​បង្រៀន​យើងឲ្យមាន​អារម្មណ៍​ថា​អ្វីៗ​នឹង​មិន​អី​ទេ។ កន្លែងមួយទៀតគឺផ្ទះ! នៅផ្ទះមានអារម្មណ៍ថានេះជាកន្លែងរបស់ពួកយើង។

ទោះយ៉ាងណាក៏ដោយ Kimberly បានបង្ហើបជាចុងក្រោយនូវអាជីពសម្ដែងសព្វថ្ងៃ ដែលកំពុងតែមាមាញឹកខ្លាំងរកពេលសម្រាកគ្មាន។ ក្នុងនោះផងដែរ តារាសម្ដែងកូនកាត់រូបនេះប្រាប់ថា ​គម្រោង​ការងារ​ឆ្នាំ​នេះ នាងនឹង​ប្រឹងប្រែង​បន្ថែម​ទៀតខ្លាំងជាងមុន ខណៈដែលខ្លួនកំពុងតែទួល​យក​រឿង​ចំនួន២ ដែល​កំពុង​ស្ថិត​ក្នុង​ដំណើរការ​អភិវឌ្ឍន៍​ស្គ្រីប ឥឡូវនេះវាស្ថិតនៅក្នុងដំណាក់កាលរៀបចំ។ ស្របពេលដែលនាងនិងស្វាមី នៅតែធ្វើដំណើរទៅ​ក្រេប​ទឹកឃ្មុំ​យ៉ាងសប្បាយរីករាយ៕

អត្ថបទ៖ សាង ស្រីល័ក្ខ

ចុចអាន៖គ្រូបង្រៀនឡាវម្នាក់ ប្រាប់ Ice ឲ្យទៅស្លាប់ ក្រោយនាងបង្ហោះសាររិះគន់គ្រួសារខ្លួនឯង