បើកបុករថយន្តដឹកគ្រួសខ្សាច់ស្លាប់ ១៥ នាក់នៅរដ្ឋកាលីហ្វ័រញ៉ា

មន្ត្រីម្នាក់បាននិយាយថា យ៉ាងហោចណាស់មនុស្ស ១៥ នាក់បានស្លាប់កាលពីថ្ងៃអង្គារនៅក្នុងគ្រោះថ្នាក់ចរាចរណ៍មួយដែលពាក់ព័ន្ធនឹងរថយន្តដឹកគ្រួសខ្សាច់ និងរថយន្តប្រភេទ SUV នៅជិតទីក្រុង El Centro ភាគខាងត្បូងរដ្ឋកាលីហ្វ័រញ៉ា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងសន្និសីទសារព័ត៌មាននៅមជ្ឈមណ្ឌលវេជ្ជសាស្ត្រក្នុងទីក្រុង El Centro លោក Judy Cruz ប្រធានផ្នែកសង្គ្រោះបន្ទាន់បាននិយាយថា រថយន្តប្រភេទ SUV ផ្ទុកអ្នកដំណើរចំនួន ២៧ នាក់បានបុកនឹងរថយន្តដឹកគ្រួសខ្សាច់ខ្នាតធំមួយគ្រឿង ។

លោក Judy Cruz បាននិយាយថា “មនុស្ស ១៤ នាក់បានស្លាប់នៅនឹងកន្លែងកើតហេតុ ។ ពួកគេ ៣ នាក់ត្រូវបានដឹកចេញពីកន្លែងកើតហេតុ ខណៈអ្នកជំងឺ ៧ នាក់ផ្សេងទៀតត្រូវបានបញ្ជូនទៅកាន់មជ្ឈមណ្ឌលវេជ្ជសាស្ត្រក្នុងទីក្រុង El Centro ប៉ុន្តែជាអកុសលម្នាក់ក្នុងចំណោមអ្នកទាំងនោះបានស្លាប់នៅពេលមកដល់មន្ទីរពេទ្យ” ។

យោងតាមវេបសាយ 8newsnow.com បានឲ្យដឹងថា ហេតុការណ៍រថយន្តបុកគ្នានេះបានកើតឡើងនៅតាមបណ្តោយផ្លូវ ១១៥ របស់រដ្ឋស្ថិតនៅភាគខាងជើងនៃទីក្រុង Holtville ដែលជាទីក្រុងមួយចម្ងាយ ១១ ម៉ាយល៍ភាគខាងកើតនៃទីក្រុង El Centro ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ វីរុសបំប្លែងខ្លួនថ្មីមួយទៀតដែលរកឃើញនៅអាមេរិក បង្កការព្រួយបារម្ភខ្លាំងជាងមុន

ចុចអាន ៖ មិនខ្លាចកូវីដ! តិចសាស់ នឹងលែងឲ្យប្រជាជនពាក់ម៉ាសទូទាំងរដ្ឋ