ព័ត៌មានអន្ដរជាតិ

ប៉ាគីស្ថានបាញ់សាកល្បងមីស៊ីលបាលិស្ទិក ចំពេលមានភាពតានតឹងកាន់តែខ្លាំងជាមួយឥណ្ឌា

បានផុស

១ year មុន

នៅ

ថ្ងៃអាទិត្យ ៤ ឧសភា ២០២៥

ដោយ

Chheang

ប្រទេសប៉ាគីស្ថាន បានបាញ់សាកល្បងដោយជោគជ័យនូវមីស៊ីលបាលិស្ទិក Abdali កាលពីថ្ងៃសៅរ៍ទី៣ខែឧសភា ចំពេលមានភាពតានតឹងកាន់តែខ្លាំងឡើងជាមួយឥណ្ឌា បន្ទាប់ពីការវាយប្រហារដ៏សាហាវទៅលើភ្ញៀវទេសចរនៅតំបន់កាស្មៀរ។

មីស៊ីលបាលិស្ទិក Abdali របស់ប៉ាគីស្ថាន/ រូបតំណាង (រូបថត៖ PTI)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមមន្ត្រីយោធាប៉ាគីស្ថាន មីស៊ីលដែលមានរយៈចម្ងាយប្រមាណ ៤៥០គីឡូម៉ែត្រ ត្រូវបានបាញ់បង្ហោះ ដើម្បីបង្កើនសុពលភាពនៃប្រតិបត្តិការ និងវឌ្ឍនភាពបច្ចេកទេស។ ការសាកល្បងនេះ ត្រូវបានគេមើលឃើញថាជាសញ្ញាយុទ្ធសាស្ត្រចំពេលទំនាក់ទំនងទ្វេភាគីរវាងប៉ាគីស្ថាន និងឥណ្ឌាកាន់តែយ៉ាប់យ៉ឺន។

ការសាកល្បងមីស៊ីល ធ្វើឡើងបន្ទាប់ពីមានការវាយប្រហារដោយកាំភ្លើងកាលពីថ្ងៃទី២២ខែមេសា នៅទីក្រុងរមណីយដ្ឋាន Pahalgam ស្ថិតនៅក្នុងតំបន់ជម្លោះកាស្មៀរ ដែលអ្នកទេសចរ ២៦នាក់មកពីរដ្ឋចំនួន១៣ របស់ឥណ្ឌាត្រូវបានសម្លាប់។ ឥណ្ឌាបន្ទោសប៉ាគីស្ថានចំពោះការសម្លាប់រង្គាលនេះ ត្រូវតែប៉ាគីស្ថានបដិសេធ។

ជាការឆ្លើយតបទៅនឹងការវាយប្រហារ ឥណ្ឌាបានផ្អាកទំនាក់ទំនងការទូត និងសេដ្ឋកិច្ចសំខាន់ៗ រួមទាំងការហាមឃាត់នាវា និងផលិតផលនាំចូលពីប៉ាគីស្ថាន។ ប៉ាគីស្ថាន បានសងសឹកដោយការបញ្ឈប់ពាណិជ្ជកម្មតាមព្រំដែន បិទដែនអាកាសរបស់ខ្លួនចំពោះយន្តហោះឥណ្ឌា និងបណ្តេញអ្នកការទូតឥណ្ឌាចេញ។

សូមបញ្ជាក់ថា ប្រទេសទាំងពីរ ធ្លាប់មានប្រវត្តិជម្លោះលើតំបន់កាស្មៀរ ដោយបានធ្វើសង្គ្រាមចំនួនបីលើករួចមកហើយតាំងពីទទួលបានឯករាជ្យ៕