ភាគខាងត្បូងថៃវឹកវរ! ក្រុមចោរប្រដាប់អាវុធ ចូលប្លន់ហាងមាស ថែមទាំងបំផ្ទុះគ្រាប់បែក 

ភាគខាងត្បូងប្រទេសថៃកើតចលាចលទៀតហើយ ដោយលើកនេះ ក្រុមចោរមានគ្នារហូតដល់ទៅ៨នាក់ បានចូលប្លន់ហាងមាសមួយកន្លែង ព្រមទាំងមានការបំផ្ទុះគ្រាប់បែកចំនួន២គ្រាប់ផងដែរ បណ្តាលឲ្យមន្ត្រីម្នាក់រងរបួស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការផ្សាយរបស់ Khaosod, ក្រុមចោរប្រដាប់អាវុធ បានសម្រុកចូលប្លន់ហាងមាស Yaowarat Krungthep ក្នុងផ្សារទំនើប Big C ក្នុងស្រុក Su-ngai Kolok នៃខេត្ត Narathiwat នាវេលាម៉ោង៦:៣០នាទីល្ងាចថ្ងៃអាទិត្យទី៥ខែតុលាឆ្នាំ២០២៥។

ពួកគេបានធ្វើសកម្មភាពយ៉ាងស្រួល ដោយប្រមូលយកគ្រឿងអលង្ការអស់ពីហាង រួចក៏ចាកចេញទៅ តាមរថយន្តភីកអាប់ពណ៌ស មួយគ្រឿង។

មានសេចក្តីរាយការណ៍ថា មនុស្សជាច្រើនក៏ស្ថិតនៅក្នុងហាងនោះដែរពេលកើតហេតុ ដោយម្នាក់ៗភ័យរន្ធត់ ព្រលឹងចុងសក់ ព្រោះតែចោរមានអាវុធពេញៗដៃ។ 

ទោះបីជាយ៉ាងណាក៏ដោយ ប៉ូលិសស្រុក Su-ngai Kolok កំពុងតាមចាប់ក្រុមចោរនិងបើកការស៊ើបអង្កេតជាបន្តទៀត ប៉ុន្តែមិនបញ្ជាក់ឡើយថាតើ ពួកគេទាំងនោះជាសកម្មបះបោរផ្តាច់ខ្លួនឬមិនមែន៕

អត្ថបទ៖ សុខ សុវណ្ណ

ចុចអាន៖ ផ្ទុះការបាញ់ប្រហារជិត១០គ្រាប់ នៅ​ស្ពាន Phra Pok Klao ក្នុងទីក្រុងបាងកក