វប្បធម៌ ជំនឿ
ឆាកជីវិតមនុស្សមានប្រជ្រុយត្រង់ភ្លៅ ជង្គង់ កំភួនជើង និងមេជើង
តាមនរវិទ្យា នរណាដែលមានសំណាងបានទីតាំងប្រជ្រុយ១ ក្នុងចំណោមទីតាំងទាំង ៤ ដូចខាងក្រោមនេះ ចាត់ទុកជាមនុស្សងាយនឹងមានទ្រព្យសម្បត្តិ ពេញមួយជីវិត ។
ប្រជ្រុយនៅលើភ្លៅ

នរណាដែលសំណាងមានប្រជ្រុយលេចឡើងលើភ្លៅ ច្រើនតែកើតមានទ្រព្យសម្បត្តិមិនសូវខ្វះ តាំងពីតូចក្រូចឆ្មារ។ ជារឿយៗពួកគេរស់នៅស្រួល មានលំនៅល្អៗ ដោយមិនចាំបាច់ព្រួយបារម្ភអំពីបញ្ហាណាមួយក្នុងជីវិតឡើយ។
ដោយសារតែពួកគេកើតមកក្នុងគ្រួសារដែលមានទ្រព្យសម្បត្តិស្តុកស្តម្ភ ពេលធ្វើអ្វីនឹងមានការជួយជ្រោមជ្រែងពីសាច់ញាតិ និងមានមូលដ្ឋានគ្រឹះសេដ្ឋកិច្ចរឹងមាំណាស់។ អនាគតមុខរបររបស់ពួកគេនឹងរីកចម្រើន អ្វីៗនឹងប្រព្រឹត្តទៅដោយរលូនជានិច្ច សំណាងនឹងកើនឡើងជាលំដាប់។
ប្រជ្រុយនៅលើជង្គង់

បន្ថែមពីលើទីតាំងភ្លៅ ប្រជ្រុយដែលលេចឡើងនៅលើជង្គង់ ក៏ត្រូវបានគេចាត់ទុកជាទីតាំងប្រជ្រុយដែលនាំមកនូវសំណាងដល់ម្ចាស់ ជាពិសេសអាជីពនឹងរីកចម្រើនខ្លាំង។ នរវិទ្យាក៏ជឿដែរថា មនុស្សដែលមានប្រជ្រុយលើជង្គង់កើតមកមានជោគវាសនា “លោហធាតុឋានសួគ៌” បើសិនមានជំនួញ នឹងកាក់កបប្រសើរណាស់។
លើសពីនេះ ពួកគេជាមនុស្សវៃឆ្លាត ប៉ិនប្រសប់ និងមានគុណសម្បត្តិជាអ្នកដឹកនាំផងដែរ។ ពួកគេមានទាំងសមត្ថភាព និងទំនួលខុសត្រូវ ដូច្នេះហើយពួកគេតែងតែទទួលបានភាពជោគជ័យច្រើននៅពេលអនាគត។ យ៉ាងណាមិញ ជីវិតរបស់ពួកគេមិនសូវសម្បូរបែប ឬប្រណីតនោះទេ។
ប្រជ្រុយនៅលើកំភួនជើង

ផ្ទុយទៅនឹងទីតាំងភ្លៅ មនុស្សដែលមានប្រជ្រុយនៅលើកំភួនជើង ច្រើនកើតក្នុងគ្រួសារក្រីក្រ។ ដូច្នេះហើយ ជីវិតរបស់ពួកគេតាំងពីតូចប្រឈមនឹងការលំបាកជាច្រើន។ ទោះជាយ៉ាងណាក៏ដោយ នៅពេលដែលពួកគេពេញវ័យ ជីវិត និងអាជីពមានលក្ខខណ្ឌល្អជាច្រើនដើម្បីបង្វែរទិសដៅជាវិជ្ជមានវិញ។
អាចនិយាយបានថា ដោយសារការប្រឈមមុខនឹងការលំបាកតាំងពីក្មេង នៅពេលកាន់តែចាស់ មេរៀនហត់នឿយកាន់តែច្រើន ពួកគេអាចទាញប្រយោជន៍សម្រាប់មកកែប្រែខ្លួនគេ ដែលជួយឱ្យជីវិតមានការរីកចម្រើនបន្តិចម្តងៗ។ ពេលចាស់ទៅ ទោះបីទ្រព្យសម្បត្តិមិនសូវសម្បូរហូរហៀរ ប៉ុន្តែជីវិតជួបតែសុខសប្បាយ និងលាភសំណាងពីកូនចៅ។
ប្រជ្រុយនៅលើម្រាមមេជើង

ប្រជ្រុយដែលលេចឡើងលើម្រាមមេជើង ត្រូវបានគេចាត់ជាប្រជ្រុយនាំទ្រព្យសម្បត្តិ និងសំណាងធំដល់ម្ចាស់។ មនុស្សភាគច្រើនដែលមានប្រជ្រុយដុះត្រង់ណេះ ច្រើនតែកើតមកជាមួយនឹងគុណសម្បត្តិនៃភាពជាអ្នកដឹកនាំ ទេពកោសល្យ និងភាពរហ័សរហួន។
នរវិទ្យាជឿជាក់ថា ប្រសិនបើបុរសមានប្រជ្រុយលើម្រាមមេជើង គេនឹងមានឋានៈខ្ពស់ក្នុងសង្គម កាន់អំណាចច្រើនក្នុងដៃ ហើយត្រូវបានមនុស្សជាច្រើនជឿជាក់ និងទុកចិត្ត។ បើមនុស្សស្រីវិញ នាងជាមនុស្សមានឥទ្ធិពល និងកិត្យានុភាពខ្លាំងក្នុងសង្គមផងដែរ។ ទោះជាយ៉ាងណាក៏ដោយ ផ្លូវដែលបានកំណត់ទុកជាមុនរបស់មនុស្សដែលមានប្រជ្រុយលើទីតាំងនេះ ច្រើនតែមិនសូវរលូនប៉ុន្មានទេ៕
អត្ថបទ៖ សន្យា
ចុចអាន៖ នារីមានប្រជ្រុយលើដើមទ្រូងទាំង ៤កន្លែងនេះ ជាមនុស្សសំណាងធំ
ចុចអាន៖ ប្រជ្រុយនៅលើម្រាមដៃនីមួយៗ អាចប្រាប់ពីជោគវាសនារបស់ម្ចាស់យ៉ាងដូច្នេះ
-
ជីវិតកម្សាន្ដ១ សប្តាហ៍ មុន
ភាពយន្តរបស់ Jennie ត្រូវគេហៅថាជា “រឿងអាសអាភាស”
-
ព័ត៌មានអន្ដរជាតិ៧ ថ្ងៃ មុន
លោក ប្រាយុទ្ធ ត្រូវបញ្ជូនចូលមន្ទីរពេទ្យ ខណៈវេជ្ជបណ្ឌិតកំពុងតាមដានអាការរោគ
-
ជីវិតកម្សាន្ដ៧ ថ្ងៃ មុន
បុគ្គលមួយក្រុមទម្លាយចរិតពិតរបស់ Bella នៅពីក្រោយឆាកសម្ដែង
-
សុខភាព៧ ថ្ងៃ មុន
ថៃ ព្រមានថា នំឆាខ្វៃជាមួយតែទឹកដោះគោពេលព្រឹក ជាអាហារគ្រោះថ្នាក់ខ្លាំង
-
ជីវិតកម្សាន្ដ១ សប្តាហ៍ មុន
អ្នកលេងអ៊ីនធឺរណិតទាមទារឱ្យក្រុមតារាស្រីស្អាត ចេញមុខសុំទោស Bella
-
ព័ត៌មានជាតិ១ សប្តាហ៍ មុន
កសិករបង្ហើបចំណីម្យ៉ាងចិញ្ចឹមមាន់ទាឆាប់ធំ ហើយមានរសជាតិដូចមាន់ស្រែសុទ្ធៗ
-
សន្តិសុខសង្គម៧ ថ្ងៃ មុន
សម្លាប់កូនអាយុ ៤ ឆ្នាំ រួចចង.ក សម្លាប់ខ្លួនឯងតាមក្រោយ
-
ព័ត៌មានជាតិ៤ ថ្ងៃ មុន
សម្តេចតេជោ៖ ការបង្ហាញវប្បធម៌ខុសក្បួនខ្នាត ស្មើបំផ្លាញវប្បធម៌ទៅវិញ