សេដ្ឋកិច្ច

រោងចក្រផលិតជីកសិកម្មរបស់ក្រុមហ៊ុន វីរៈប៊ុនថាំ ដាក់ឱ្យប្រើប្រាស់ជាផ្លូវការ

បានផុស

៣ ខែ មុន

នៅ

ថ្ងៃពុធ ២២ មេសា ២០២៦

ដោយ

រោងចក្រផលិតជីកសិកម្មរបស់ក្រុមហ៊ុន វីរៈប៊ុនថាំ ដាក់ឱ្យប្រើប្រាស់ជាផ្លូវការនៅថ្ងៃពុធ ទី ២២ មេសា ២០២៦នេះ បន្ទាប់ពីបានសាកល្បងផ្គត់ផ្គង់ចែកចាយផលិតផលជីកសិកម្មរយៈពេល ៦ ខែ កន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកឧកញ៉ា សួរ វីរៈ អគ្គនាយកក្រុមហ៊ុន វីរៈប៊ុនថាំបានថ្លែងប្រាប់«កម្ពុជាថ្មី»ថា គិតមកដល់ពេលនេះបានបោះទុនវិនិយោគប្រមាណ ៤ លានដុល្លារ ហើយលើរោងចក្រផលិតជីកសិកម្មលាតសន្ធឹងលើទំហំដីប្រមាណ ១៥ ហិកតា ស្ថិតនៅឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។

រោងចក្ររបស់លោកបានសាកល្បងផ្គត់ផ្គង់ជី ៣ ប្រភេទ រយៈពេល ៦ ខែ មកហើយ រួមមានជីធម្មជាតិសរីរាង្គ ជីលាមកជន្លេន និងជីទឹក ដែលបានប្រើប្រាស់វត្ថុធាតុដើមក្នុងស្រុក។

អ្នកឧកញ៉ា សួរ វីរៈ បញ្ជាក់ថា រោងចក្ររបស់លោកមានសមត្ថភាពផលិតជីធម្មជាតិសរីរាង្គចំនួន ២៥០ តោន ក្នុងមួយថ្ងៃ ខណៈជីគីមីអាចផលិតបាន ៦០០ តោន ក្នុងមួយថ្ងៃ។

អ្នកឧកញ៉ា សួរ វីរៈ រោងចក្ររបស់លោក មានលទ្ធភាពបង្កើនផលិតកម្មជីធម្មជាតិរហូតដល់ ១០០០ តោន ក្នុងមួយថ្ងៃ អាស្រ័យលើតម្រូវការជាក់ស្ដែង។

ក្រៅពីរោងចក្រផលិតជីសរីរាង្គក្រុមហ៊ុន វីរៈប៊ុនថាំ មានរោងចក្រផលិតចំណីអាហារ កំពុងសាងសង់ស្ថិតនៅតាមបណ្តោយផ្លូវលេខ ៥១ ដែលមានចម្ងាយប្រហែល ២៥ គីឡូម៉ែត្រពីរាជធានីភ្នំពេញ៕

អត្ថបទ៖ ឡេង ដេត

Related Topics:ក្រុមហ៊ុនវីរៈប៊ុនថាំ