នេះមូលហេតុ ភាគហ៊ុនសកល និងទីផ្សារប្រេងធ្លាក់ចុះ

ឈ្មួញបាននិយាយថា ភាគហ៊ុនសកល និងទីផ្សារប្រេងបានធ្លាក់ចុះកាលពីថ្ងៃចន្ទ ដោយសារតែការភ័យស្លន់ស្លោរបស់វិនិយោគិនជុំវិញផលប៉ះពាល់នៃវិធានការទូទាំងពិភពលោកដើម្បីទប់ស្កាត់វីរុសកូវីដបំប្លែងខ្លួន Omicron ដែលកំពុងរីករាលដាលយ៉ាងឆាប់រហ័ស ។

តម្លៃភាគហ៊ុន និងទីផ្សារប្រេងនៅទ្វីបអាស៊ីបានធ្លាក់ចុះ ដោយសារតែក្តីបារម្ភលើការកើនឡើងជាសកលថ្មីនៃការឆ្លងវីរុសកូវីដ ១៩ ដែលបង្កឲ្យមានការលក់បន្តយ៉ាងខ្លាំងក្លានៅក្នុងទ្វីបអឺរ៉ុប ។

ទន្ទឹមនោះ តម្លៃប្រេងក៏បានធ្លាក់ចុះ ខណៈដែលពាណិជ្ជករមានការព្រួយបារម្មណ៍ចំពោះវិធីដែលវីរុសកូវីដបំប្លែងខ្លួនចុងក្រោយបំផុតអាចប៉ះពាល់ដល់តម្រូវការថាមពលរបស់ពិភពលោក ខណៈក៏ទទួលរងនូវផលប៉ះពាល់យ៉ាងធ្ងន់ធ្ងររួចទៅហើយ ចាប់តាំងពីជំងឺរាតត្បាតបានផ្ទុះឡើងកាលពីដើមឆ្នាំមុន ។

ស្របពេលជាមួយគ្នានេះ នៅទីក្រុងញូវយ៉ក បញ្ហានេះត្រូវបានរារាំងដោយការប្រកាសរបស់សមាជិកព្រឹទ្ធសភាគណបក្សប្រជាធិបតេយ្យថ្នាក់កណ្ដាល ដែលថានឹងមិនគាំទ្រច្បាប់ចំណាយសង្គមរបស់ប្រធានាធិបតី ចូ បៃដិន នោះទេ ដែលធ្វើឲ្យប៉ះពាល់ដល់វិធានការដែលអ្នកវិភាគមួយចំនួនចាត់ទុកថាវិជ្ជមានសម្រាប់កំណើនសេដ្ឋកិច្ចរបស់សហរដ្ឋអាមេរិក ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ ដោយសារ Omicron ទីក្រុងឡុងដ៍ លុបចោលការប្រារព្ធពិធីចូលឆ្នាំថ្មី ហើយឲ្យប្រជាជន មើលទូរទស្សន៍នៅផ្ទះ