Connect with us

សេដ្ឋកិច្ច

បារាំង បន្តផ្តល់ឥណទានសម្បទានប្រចាំឆ្នាំជាង ១០០លានដុល្លារ អភិវឌ្ឍសង្គម និងស្តារសេដ្ឋកិច្ចកម្ពុជា

បានផុស

នៅ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋាភិបាលបារាំង បន្តផ្តល់ឥណទានសម្បទានប្រចាំឆ្នាំ ចន្លោះពី ១០០-១២០ លានអឺរ៉ូ ស្មើនឹង ( ៩៩-១១៨លានដុល្លារ) សម្រាប់ចូលរួមចំណែកអភិវឌ្ឍ និងស្តារសេដ្ឋកិច្ចកម្ពុជា បន្ទាប់ពីវិបត្តិកូវីដ-១៩ ស្របតាមគោលនយោបាយ និងយុទ្ធសាស្រ្តអភិវឌ្ឍជាតិរបស់កម្ពុជា ដែលផ្តោតលើបម្រែបម្រួលអាកាសធាតុ បង្កើតការងារដល់ពលរដ្ឋ អភិបាលកិច្ចល្អ និង ការអភិវឌ្ឍហេដ្ឋារចនាសម្ព័ន្ធប្រកបដោយចីរភាព។

ការប្រកាសបន្តផ្តល់ឥណទានសម្បទាននេះ ធ្វើឡើងនៅក្នុងជំនួបពិភាក្សាការងាររវាងលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ជាមួយលោក Jean-Pierre Marcelli នាយកទីភ្នាក់ងារបារាំង​សម្រាប់ការអភិវឌ្ឍ (Agence Française de Développement – AFD) ថ្មីប្រចាំតំបន់អាស៊ីអាគ្មេយ៍ នៅថ្ងៃទី ២០ កញ្ញា។

លោក Jean-Pierre Marcelli បានឱ្យដឹងថា តាមរយៈទីភ្នាក់ងារបារាំងសម្រាប់ការអភិវឌ្ឍ (AFD) នឹងបន្តគាំ​ទ្ររដ្ឋាភិបាលកម្ពុជា ដោយសន្យាបង្កើនទំហំហិរញ្ញប្បទានសហប្រតិបត្តិការសម្រាប់កម្ពុជា ឱ្យស្របទៅនឹង​បរិការណ៍បច្ចុប្បន្ន។ ចំពោះការផ្តល់ឥណទានសម្បទានប្រចាំឆ្នាំនេះ គឺស្របតាមគោលនយោបាយ និងយុទ្ធ​សាស្រ្តរបស់កម្ពុជា និងយុទ្ធសាស្រ្តរបស់ AFD (Country Strategy 2022-2026)។ ជាមួយគ្នានេះ លោក Jean-Pierre Marcelli ក៏បានវាយតម្លៃខ្ពស់ ចំពោះរាជរដ្ឋាភិបាលកម្ពុជា ដែលបានគ្រប់គ្រងការ​រីករាលដាល​នៃជំងឺកូវីដ-១៩ យ៉ាងមានប្រសិទ្ធភាព និងចាប់ផ្តើមបើកប្រទេស និងសេដ្ឋកិច្ចឡើងវិញយ៉ាងឆាប់រហ័ស។

លោក អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ បានលើកឡើង ទោះបីកម្ពុជា ទទួលជោគជ័យធំធេង នៅក្នុងសមរភូមិប្រយុទ្ធសាស្រ្តជំងឺកូវីដ-១៩ ដើម្បីការពារអាយុជីវិត និងលំនឹងជីវភាពប្រជាជន ដោយបើកប្រទេសលើគ្រប់វិស័យ ដើម្បីស្តារ និងជំរុញកំណើនសេដ្ឋកិច្ចឡើងវិញក្តី ប៉ុន្តែការមកដល់​នៃវិបត្តិជា​បន្តបន្ទាប់ទៀត ដូចជាការកើនឡើងនៃអតិផរណា អត្រាការប្រាក់ ការថមថយសេដ្ឋកិច្ចនៅប្រទេសអភិវឌ្ឍ និងប្រទេស​ចិន វិបត្តសង្គ្រាមអ៊ុយក្រែន ព្រមទាំងបញ្ហានយោបាយក្នុងតំបន់ និងអន្តរជាតិ បានកំពុងបង្កផលប៉ះពាល់អវិជ្ជមាន ដល់ការស្តារ និងជំរុញកំណើនសេដ្ឋកិច្ចឡើងវិញរបស់កម្ពុជា​។
ទន្ទឹមនឹងនេះ លោករដ្ឋមន្រ្តីបន្តថា រាជរដ្ឋាភិបាល នឹងបន្តជំរុញការធ្វើកំណែទម្រង់រចនាសម្ព័ន្ធដោយផ្តោត​លើវិស័យអទិភាព​មួយចំនួនដូចជា ឡូជីស្ទីក ថាមពល ជំនាញ ឌីជីថល សហគ្រាសធុនតូច និងមធ្យម កិច្ចសម្រួលពាណិជ្ជកម្ម ព្រមទាំងការកែលំអបរិយាកាសវិនិយោគ លើកកម្ពស់ការប្រកួតប្រជែង ជំរុញការនាំចេញ ក្នុងក្រម​ខណ្ឌកិច្ចព្រមព្រៀងពាណិជ្ជកម្មសេរីទ្វេភាគី និងពហុភាគី។ 

សូមបញ្ជាក់ថា ក្នុងរយៈពេល ៣០ឆ្នាំចុងក្រោយ តាមរយៈ AFD សាធារណរដ្ឋបារាំងបានផ្តល់ហិរញ្ញប្បទាន​សរុបប្រមាណ ៨៨៨លានអឺរ៉ូ (៨៧៩លានដុល្លារ) ដល់កម្ពុជា ក្នុងនោះឥណទានសម្បទានចំនួន ៥៣៣លានអឺរ៉ូ (៥២៧លានដុល្លារ) និងហិរញ្ញប្បទានឥតសំណង ១៧៨លានអឺរ៉ូ (១៧៦លានដុល្លារ)។ កញ្ចប់ថវិកាទាំងអស់នេះ ផ្តោតសំខាន់ទៅលើការអភិវឌ្ឍហេដ្ឋារចនាសម្ព័ន្ធដូចជា ផ្លូវជនបទ ធារាសាស្រ្ត កសិកម្ម ទឹកស្អាត អគ្គិសនី អប់រំ និងសុខាភិបាល៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១៤ នាទី មុន

ខណ្ឌរដ្ឋបាលជលផល​ស្ទឹងត្រែង​អំពាវនាវឲ្យអ្នកនេសាទ​ប្រគល់ឧបករណ៍​នេសាទខុសច្បាប់

ជីវិតកម្សាន្ដ៤០ នាទី មុន

អៀ ម៉េងលិ ប្រកាសជំហរថា ទោះមានលុយច្រើនប៉ុនណាក៏ទិញខ្ញុំមិនបានដែរ

ព័ត៌មានជាតិ៤៤ នាទី មុន

លោក ប្រាក់ សុខុន មានមោទនភាពពេលឃើញទង់ជាតិកម្ពុជា ត្រូវបានដាក់ស្មើមុខស្មើមាត់គ្នាជាមួយប្រទេសដទៃ នៅស្នាក់ការ UN

ព័ត៌មានជាតិ៤៨ នាទី មុន

ថៃ​អនុញ្ញាតផ្ដល់បណ្ណពណ៌លឿង​ដល់ប្រជាពលរដ្ឋខ្មែរ​ចេញ-ចូលព្រឹកល្ងាច​នៅផ្សាររុងក្លឿវិញ​

ព័ត៌មានអន្ដរជាតិ៤៨ នាទី មុន

ព្យុះសង្ឃរា Fiona កំពុងតម្រង់ទៅកោះ Bermuda ក្រោយសម្លាប់មនុស្ស ៨នាក់នៅ ព័រតូរីកូ

Sokha Hotels

ព័ត៌មានពេញនិយម