សេដ្ឋកិច្ច
មន្ត្រីជំនាញ៖ ការងារត្រួតពិនិត្យគ្រឹះស្ថានធនាគារនៅតែជាអាទិភាពរបស់ធនាគារជាតិ
លោក រ័ត្ន សុវណ្ណនរៈ ឧបការីទេសាភិបាល និងជាអគ្គនាយកត្រួតពិនិត្យ នៃធនាគារជាតិនៃកម្ពុជាបញ្ជាក់ថា ការត្រួតពិនិត្យគ្រឹះស្ថានធនាគារ និងហិរញ្ញវត្ថុ នៅតែជាការងារអាទិភាពរបស់ធនាគារជាតិនៃកម្ពុជា ដើម្បីរក្សាបានស្ថេរភាពនៃប្រព័ន្ធធនាគារនៅកម្ពុជា។
លោកបានបញ្ជាក់បែបនេះនៅក្នុងពិធីដាក់សម្ពាធធនាគារឯកជនមួយ នៅក្រុងតាខ្មៅ ខេត្តកណ្ដាល នៅថ្ងៃទី២២ ខែធ្នូ ឆ្នាំ២០២២ ម្សិលមិញ។
បើតាមលោក រ័ត្ន សុវណ្ណនរៈ គឺវិស័យធនាគារ បាននិងកំពុងដើរតួនាទីយ៉ាងសំខាន់ក្នុងការអភិវឌ្ឍសេដ្ឋកិច្ច និងសង្គមកម្ពុជា។ លោក លើកឡើងថា រាជរដ្ឋាភិបាលកម្ពុជាបានកំណត់ទស្សនវិស័យ និងយុទ្ធសាស្រ្តតម្រង់ទិសអភិវឌ្ឍន៍ច្បាស់លាស់សម្រាប់វិស័យធនាគារ ដើម្បីបង្កើនលទ្ធភាព និងពង្រីកវិសាលភាពប្រតិបត្តិការប្រកបដោយនិរន្តរភាព និងសេចក្ដី ទំនុកចិត្ត ក៏ដូចជាការអភិវឌ្ឍសេវាហិរញ្ញវត្ថុប្រកបដោយប្រសិទ្ធភាព និងបរិយាប័ន្ន។
ជាមួយគ្នានេះ លោក រ័ត្ន សុវណ្ណនរៈ បានបញ្ជាក់ថា ក្នុងនាមជាអាជ្ញាធរត្រួតពិនិត្យ ធនាគារជាតិនៃកម្ពុជា បានបន្តរក្សានូវភាពធន់ ភាពរឹងមាំ និងវឌ្ឍនភាពនៃប្រព័ន្ធធនាគារ តាមរយៈកសាងហេដ្ឋារចនាសម្ព័ន្ធប្រព័ន្ធទូទាត់ឲ្យកាន់តែមានភាពទំនើប និងការដាក់ចេញវិធានការម៉ាក្រូប្រុងប្រយ័ត្ននានាជាបន្តបន្ទាប់ និងទាន់ពេលវេលា ដើម្បីចូលរួមចំណែកក្នុងការកាត់បន្ថយផលប៉ះពាល់ជាអវិជ្ជមានមកលើប្រព័ន្ធធនាគារ។
លោក បន្ថែមថា ដើម្បីពង្រឹងភាពធន់ និងរក្សាបានស្ថេរភាពប្រព័ន្ធធនាគារទាំងមូល វិធីសាស្ត្រនៃការត្រួតពិនិត្យគ្រឹះស្ថានធនាគារ និងហិរញ្ញវត្ថុ ត្រូវបានពង្រឹងជាបន្តបន្ទាប់ ដោយបច្ចុប្បន្នធនាគារជាតិនៃកម្ពុជា កំពុងអនុវត្តតាមវិធីសាស្ត្រត្រួតពិនិត្យផ្អែកលើហានិភ័យ និងទស្សនៈអនាគត តាមរយៈការវិភាគរបាយការណ៍ហិរញ្ញវត្ថុ ការវាយតម្លៃប្រសិទ្ធភាពនៃអភិបាលកិច្ច និងការវាយតម្លៃហានិភ័យសំខាន់ៗ។
ទន្ទឹមនេះ ធនាគារជាតិនៃកម្ពុជា ក៏បានយកចិត្តទុកដាក់ចំពោះកិច្ចការពារអតិថិជន ដោយបង្កើនប្រសិទ្ធភាពអនុវត្តយន្តការសម្របសម្រួល និងដោះស្រាយបណ្តឹងអតិថិជន តាមរយៈលេខទូរសព្ទ Hotline របស់ធនាគារជាតិនៃកម្ពុជា ប្រកបដោយប្រសិទ្ធភាព និងទាន់ពេលវេលា ព្រមទាំងបន្តអនុវត្តយុទ្ធនាការលើកកម្ពស់ចំណេះដឹងផ្នែកហិរញ្ញវត្ថុជាបន្តបន្ទាប់ផងដែរ៕
ដោយ៖ ធឿន វ៉ាន់សុង
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២៣ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore