ព័ត៌មានអន្ដរជាតិ
ត្រាំ គំរាមចាត់វិធានការលើសហភាពអឺរ៉ុប ដោយសារប្លុកនេះមិនសូវនាំចូលទំនិញអាមេរិក
បេក្ខជនប្រធានាធិបតីអាមេរិកមកពីគណបក្សសាធារណរដ្ឋ លោក ដូណាល់ ត្រាំ បាននិយាយគំរាមថា ប្រសិនបើលោកឈ្នះការបោះឆ្នោតថ្ងៃទី ៥ ខែវិច្ឆិកាខាងមុខ នោះសហភាពអឺរ៉ុបនឹងត្រូវ «បង់ថ្លៃធំ» ដោយសារមិនសូវទិញទំនិញនាំចេញរបស់អាមេរិកឱ្យបានគ្រប់គ្រាន់។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ ដែលថា លោក ត្រាំ សំដៅលើការចាត់វិធានការពន្ធឈុតធំ។
អតីតប្រធានាធិបតីអាមេរិករូបនេះ បានថ្លែងនៅពេលជួបជាមួយអ្នកគាំទ្រនៅរដ្ឋ Pennsylvania កាលពីថ្ងៃអង្គារ ថា៖ «ខ្ញុំប្រាប់អ្នកចុះ សហភាពអឺរ៉ុបស្តាប់ទៅពិតជាល្អណាស់ គួរឱ្យស្រលាញ់ណាស់មែនទេ? ប្រទេសតូចៗនៅអឺរ៉ុបល្អទាំងអស់ដែលរួបរួមគ្នា»។
លោកបន្តថា៖ «ពួកគេមិនទិញឡានរបស់យើងទេ។ ពួកគេមិនទិញផលិតផលកសិកម្មរបស់យើងទេ។ ពួកគេលក់ឡានរាប់លាននៅសហរដ្ឋអាមេរិក។ អត់ត្រូវអញ្ចឹងទេ ពួកគេនឹងត្រូវបង់ថ្លៃធំ»។
លោក ត្រាំ ថ្លែងយ៉ាងដូច្នេះ ក្រោយប្ដេជ្ញាជាថ្មីលើការដាក់ចេញច្បាប់ «Trump Reciprocal Trade» ឬ ដែលសំដៅលើការកំណត់ឱ្យការធ្វើពាណិជ្ជកម្មមានលក្ខណៈស៊ីសងគ្នា ចំពេលដែលអាមេរិកតែងតែប្រឈមមុខនឹងឱនភាពពាណិជ្ជកម្ម។
ជាមួយគ្នានោះ ការព្រមានរបស់លោកក៏ធ្វើឡើងស្របគ្នាទៅនឹងគោលនយោបាយការពារនិយមរបស់លោក ដែលកំណត់ដាក់ពន្ធ ១០-២០ លើគ្រប់មុខទំនិញ និង ៦០ ភាគរយ លើទំនិញចិន ដែលនាំចូលទៅលក់ក្នុងទឹកដីសហរដ្ឋអាមេរិក។ អ្នកវិភាគព្រួយបារម្ភថា គោលនយោបាយពន្ធបែបនេះ នឹងធ្វើឱ្យខូចទ្រង់ទ្រាយពាណិជ្ជកម្មសេរីរបស់សកល ដែលនឹងបង្កការធ្លាក់ចុះនៃកំណើនសេដ្ឋកិច្ចពិភពលោក។
ក្រោមការគំរាមកំហែងបែបនេះ អ្នកវិភាគលើកឡើងថា សម្ព័ន្ធភាពរបស់សហរដ្ឋអាមេរិក និងប្រទេសជាមិត្តទូទាំងពិភពលោកនឹងកាន់តែរង្គុះរង្គើរ ខណៈវិធានការពន្ធនឹងធ្វើឱ្យមានការសងសឹក ដែលនឹងកាន់តែអាចឱ្យការនាំចេញរបស់សហរដ្ឋអាមេរិកធ្លាក់ចុះ៕
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៥ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ២ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៧ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ