ព័ត៌មានជាតិ

កម្ពុជា-បារាំង បង្ហាញឆន្ទៈរួមបញ្ចប់ការចរចាកិច្ចព្រមព្រៀង DTA

បានផុស

១ ខែ មុន

នៅ

ថ្ងៃព្រហស្បតិ៍ ១៥ ឧសភា ២០២៥

ដោយ

កម្ពុជា-បារាំង បានបង្ហាញឆន្ទៈរួមគ្នាក្នុងការបញ្ចប់ការចរចាកិច្ចព្រមព្រៀងស្តីពីការចៀសវាងការយកពន្ធត្រួតគ្នា (DTA) ឱ្យបានឆាប់រហ័ស ដើម្បីលើកកម្ពស់ការធ្វើធុរកិច្ច និងលំហូរវិនិយោគរវាងប្រទេសទាំងពីរឱ្យកាន់តែមានកំណើនបន្ថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងកិច្ចប្រជុំចរចាលើកិច្ចព្រមព្រៀងស្តីពីការចៀសវាងការយកពន្ធត្រួតគ្នា (Double Taxation Agreement-DTA) ជុំទី៣ កាលពីថ្ងៃទី១២-១៣ ខែឧសភា លោកបណ្ឌិត សេង ជាសិទ្ធ បានថ្លែងស្វាគមន៍យ៉ាង កក់ក្តៅចំពោះវត្តមានរបស់គណៈប្រតិភូនៃសាធារណរដ្ឋបារាំង ដែលបានចូលរួមកិច្ចប្រជុំចរចានេះតាមការអញ្ជើញរបស់ភាគីកម្ពុជា ក៏ដូចជាបានរម្លឹកឡើងវិញនូវសារបាន និងវឌ្ឍនភាពដែលសម្រេចបានពីកិច្ចប្រជុំចរចាកន្លងមក។

លោកបណ្ឌិតក៏បានគូសបញ្ជាក់អំពីឆន្ទៈរបស់់កម្ពុជាក្នុងការបញ្ចប់ការចរចាកិច្ចព្រមព្រៀង DTA រវាងកម្ពុជា-បារាំង ឱ្យបានឆាប់។

ជាការឆ្លើយតប លោក Martin KLAM បានវាយតម្លៃខ្ពស់ចំពោះកិច្ចខិតខំរបស់ភាគីកម្ពុជា ក្នុងការរៀបចំឱ្យមានកិច្ចប្រជុំចរចាកិច្ចព្រមព្រៀង DTA ជុំទី៣ ជាលក្ខណៈរូបវន្ត នាពេលនេះ។ បារាំងមានបំណងចង់ឱ្យការចរចា DTA នេះ អាចបញ្ចប់ទៅឱ្យបានឆាប់។