សេដ្ឋកិច្ច
លោក តូច ចៅចេក៖ មិនទាន់មានពលរដ្ឋចំណាកស្រុកពីថៃ មកស្នើសុំយន្តការជំនួយពីធនាគារនៅឡើយទេ
ឆ្លើយតបទៅនិងសំណើរបស់រាជរដ្ឋាភិបាលកម្ពុជា ក្នុងការជួយសម្រួលដល់ពលករចំណាកស្រុកពីថៃ លោក តូច ចៅចេក អគ្គនាយកធនាគារប្រៃសណីយ៍កម្ពុជា បានលើកឡើងថា មកដល់ពេលបច្ចុប្បន្ននេះ គឺនៅមិនទាន់មានពលរដ្ឋចំណាកស្រុកពីថៃ មកស្នើសុំយន្តការជំនួយពីធនាគារនៅឡើយទេ។
នៅក្នុងបទសម្ភាសជាមួយ«កម្ពុជាថ្មី» លោក តូច ចៅចេក បានមានប្រសាសន៍ថា ពាក់ព័ន្ធទៅនិងការវិលត្រឡប់មកវិញរបស់ពលករចំណាកស្រុកពីថៃ ឃើញថា ក្នុងមួយថ្ងៃអាចមានក្នុងរង្វង់ពី ៨០០-១០០០ នាក់ ក្នុងនោះពលករមួយចំនួនក៏មានសំណាងដែរ ដោយត្រឡប់មកវិញភ្លាម មានការងារធ្វើភ្លាម និងមួយចំនួនទៀត ក៏មិនទាន់អាចជួបការលំបាកអ្វីដែរ ដោយសារពួកគេអាចសល់នូវថវិកាមួយចំនួនដើម្បីផ្គត់ផ្គង់ជីវភាពគ្រួសារ។
លោកបានសង្កត់ធ្ងន់ថា៖«រហូតមកដល់ពេលបច្ចុប្បន្ននេះយើងនៅមិនទាន់មានចំណុចណាដែលគួរឱ្យចាប់អារម្មណ៍ថា ពលករដែលត្រឡប់មកពីថៃវិញពិបាកសង ឬក៏មកសុំកម្មវិធីជំនួយពីធនាគារ គឺនៅមិនទាន់មាននៅឡើយទេ។ ប៉ុន្តែធនាគារក៏មានយន្តការរួចជាស្រេច ដូច្នេះប្រសិនបើមានពលរដ្ឋស្នើសុំយន្តការណាមួយពីធនាគារ នោះយើងនឹងចុះទៅវិភាគ និងពិនិត្យជាក់ស្តែង ប្រសិនបើពួកគេពិតជាពលករដែលទើបត្រឡប់មកពីថៃវិញមែន និងជួបការលំបាកពិតមែន នោះធនាគារនឹងមានយន្តការនៅការបន្ធូរបន្ថយណាមួយ»។
លោកថា «ជារួមកម្មករដែលទៅធ្វើការចំណាកស្រុកនៅប្រទេសថៃនោះ ភាគច្រើនជាកម្មករពេញកម្លាំង ដូច្នេះអ្នកដែលខ្ចីឥណទានភាគច្រើនគឺជាសាច់ញាតិរបស់គាត់នៅស្រុកខ្មែរ ចឹងគាត់ក៏មិនមែនមានចំណូលតែពីក្រៅស្រុកមួយដែរ គាត់ក៏មានចំណូលក្នុងស្រុកដែរ គិតមកដល់ពេលនេះ រយៈពេល ១ ខែ នេះ យើងគិតថា ឱ្យមានផលវិបាកណាស់ណានៅមិនទាន់មានគួរឱ្យកត់សម្គាល់នោះទេ»។
ទន្ទឹមនេះ លោក តូច ចៅចេក ក៏បានបន្ថែមដែរ ឆ្លើយតបទៅនិងសំណើរបស់រាជរដ្ឋាភិបាលកម្ពុជា ក្នុងការជួយសម្រួលដល់ពលករចំណាកស្រុកពីថៃ នេះដែរ សមាគមធនាគារនៅកម្ពុជា ក៏ដូចជាសមាគមមីក្រូហិរញ្ញវត្ថុក៏បានគាំទ្រដល់សំណើនេះ ហើយក៏មានយន្តការមួយចំនួនដើម្បីជួយសម្រួលដល់ពលករចំណាកស្រុកចូលមកកម្ពុជាវិញ។
ក្នុងនោះសមាគមធនាគារនៅកម្ពុជា ក៏ដូចជាសមាគមមីក្រូហិរញ្ញវត្ថុ ក៏បានអនុវត្តនូវវិធានការមានស្រាប់ ដែលធនាគារជាតិនៃកម្ពុជាណែនាំ និងចង្អុលបង្ហាញឱ្យធនាគារទាំងអស់ធ្វើតាម ដូចជា ការពន្យាពេលសងប្រាក់, ការឱ្យសងតែការប្រាក់ទុកប្រាក់ដើម ឬការបន្ធូរបន្ថយលក្ខខណ្ឌមួយចំនួន ឬក៏រឿងមួយចំនួនទៀតក៏អាចបញ្ចុះការប្រាក់ដល់អតិថិជន។
លោក បានអះអាងថា៖« ទាំងអស់នេះហើយដែរធនាគារប្រៃសណីយ៍ ក៏ដូចជាធនាគារដទៃទៀត ដែលកំពុងរៀបចំដើម្បីជួយសម្រួលបន្ទុក និងផលវិបាកមួយចំនួនដល់ពលករដែលទើបត្រឡប់មកពីប្រទេសថៃវិញ»៕
ដោយ៖ ឌិន ថារី
សាកលវិទ្យាល័យភូមិន្ទភ្នំពេញ ប្រកាសពីការប្រឡងរើសនិស្សិតថ្នាក់បរិញ្ញាបត្រជាន់ខ្ពស់ផ្នែកអប់រំ
១៧ខេត្តនៅថៃ ប្រឈមហានិភ័យបាក់ដីនិងគ្រោះទឹកជំនន់
លោក តូច ចៅចេក៖ មិនទាន់មានពលរដ្ឋចំណាកស្រុកពីថៃ មកស្នើសុំយន្តការជំនួយពីធនាគារនៅឡើយទេ
ថៃរឹតបន្តឹងច្បាប់កញ្ឆាឡើងវិញ ក្រោយការរីករាលដាលខ្លាំងពេក
ស៊ន់ បញ្ញាវឌ្ឍន៏ ការលើកទឹកចិត្តពីថ្នាក់ដឹកនាំជំរុញឲ្យឈ្នះមេដាយមាស ២គ្រឿងនៅ World Police
បើករថយន្តបំពានភ្លើងស្តុបជ្រុលបុកបុរសម្នាក់កំពុងជិះម៉ូតូឆ្លងផ្លូវស្លាប់ភ្លាមៗ
ក្រុមហ៊ុនអាកាសចរណ៍វៀតណាមផ្អាកអ្នកបើកយន្តហោះ៤នាក់ បន្ទាប់ពីយន្តហោះប៉៉ះគ្នាមុនហោះឡើង
ផ្លូវការ! កម្ពុជា ឈរលេខ៤ ជាប្រទេសបញ្ជូនអត្តពលិកច្រើនបំផុត ទៅប្រកួតស៊ីហ្គេមនៅ ថៃ
អាជ្ញាធរខេត្តកែប ល្បាតលើផ្ទៃសមុទ្រ ដើម្បីទប់ស្កាត់ការនាំចូលបន្លែផ្លែឈើ និងប្រេងពីប្រទេសថៃ
កប៉ាល់ដឹកប្រេងម៉ាស៊ូត PTT ៤,៨ លានលីត្រ ជាប់ក្បែរកោះគុត ក្រោយកម្ពុជាបិទការនាំចូល
-
ព័ត៌មានអន្ដរជាតិ៣ ថ្ងៃ agoផែថងថាន លើកយកជម្លោះព្រំដែនកម្ពុជា-ថៃនិងឧក្រិដ្ឋកម្មអនឡាញ ពិភាក្សាជាមួយ ម៉ាក្រុង
-
ព័ត៌មានអន្ដរជាតិ៦ ថ្ងៃ agoពលរដ្ឋថៃ រាប់ពាន់នាក់រត់ភៀសខ្លួន បន្ទាប់ពីយន្តហោះមីយ៉ាន់ម៉ា ទម្លាក់គ្រាប់បែកនៅព្រំដែន
-
សន្តិសុខសង្គម៤ ថ្ងៃ agoអាជ្ញាធរខេត្តព្រះវិហារ ដុតកម្ទេចចោលដូងក្រអូប១៥០០គីឡូក្រាម ដែលលួចនាំចេញពីថៃ ឆ្លងកាត់ប្រទេសឡាវចូលមកកម្ពុជាដោយខុសច្បាប់
-
ព័ត៌មានជាតិ២ ថ្ងៃ agoស្រុកសំឡូត តំបន់កសិកម្មដ៏ល្បីមានច្រកទ្វារព្រំដែន ៤ កន្លែងសម្រាប់ទំនាក់ទំនងជាមួយថៃ
-
ព័ត៌មានជាតិ១ សប្តាហ៍ agoជប៉ុន ប្រកាសពង្រឹងទំនាក់ទំនងកងទ័ពជាមួយកម្ពុជាឱ្យកាន់តែរឹងមាំ
-
ព័ត៌មានជាតិ១ សប្តាហ៍ agoកម្ពុជា ទទួលរងឥទ្ធិពលពីព្យុះមួយទៀត គឺព្យុះទី២ ឈ្មោះ សេពផេត
-
ព័ត៌មានជាតិ៣ ថ្ងៃ agoលោកស្រី បាន ស្រីមុំ៖ អភិបាលខេត្តស្រះកែវ អត់ដឹងប្រវត្តិស្ពានព្រំ-បានប៉ាក់កាដ
-
ព័ត៌មានជាតិ១ សប្តាហ៍ agoអ្នកនាំពាក្យសម្តេចតេជោ ពន្យុះបាវបម្រើនាយករដ្ឋមន្រ្តីថៃថា បើចិត្តសឿង មិនខ្លាចច្បាប់អន្តរជាតិទេ ប្តឹងសម្តេចតេជោ ទៅតុលាការអន្តរជាតិទៅ