ព័ត៌មានជាតិ

ការលើកទឹកចិត្តពិសេស ត្រឹមតែជាង ១ ឆ្នាំ ខេត្តព្រះសីហនុ ទទួលទុនវិនិយោគជិត ៨ ពាន់លានដុល្លារ

បានផុស

១១ ខែ មុន

នៅ

ថ្ងៃសុក្រ ២៩ សីហា ២០២៥

ដោយ

ក្រុមការងារជំរុញការវិនិយោគក្នុងខេត្តព្រះសីហនុបានសម្រេចផ្តល់ការលើកទឹកចិត្តដល់គម្រោងវិនិយោគប្រមាណ ៣០០ គម្រោង ដើម្បីអាចបន្តដំណើរការ និងការពង្រីកវិនិយោគក្នុងខេត្តព្រះសីហនុ។

ចាប់ពីឆ្នាំ ២០២៤ រហូតដល់ខែ សីហា ឆ្នាំ ២០២៥ ក្រុមការងារជំរុញគម្រោងវិនិយោគក្នុងខេត្តព្រះសីហនុបានសម្រេចជាគោលការណ៍ផ្តល់ការលើកទឹកចិត្ត ដល់គម្រោងវិនិយោគចំនួន ៣៧៥ គម្រោង ដែលគិតជាទុនវិនិយោគមានប្រមាណសរុប ៧ ៨៩១ លានដុល្លារអាមេរិក។ នេះបើតាមក្រុមការងារជំរុញការវិនិយោគក្នុងខេត្តព្រះសីហនុ ដែលបានបង្ហាញពីលទ្ធផលនៃការអនុវត្តការងារជំរុញការវិនិយោគក្នុងខេត្តព្រះសីហនុកាលពីពេលថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គម្រោងដែលផ្តល់ការលើកទឹកចិត្តជាង ៣០០ គម្រោង ក្នុងនោះពាក់ព័ន្ធគម្រោងអគារជាប់គាំងមានចំនួន ១៧៦ គម្រោង, គម្រោងវិនិយោគថ្មីមានចំនួន ១៦១ គម្រោង គម្រោងពង្រីកមានចំនួន ២៥ គម្រោង និងគម្រោងវិនិយោគមានស្រាប់ មានចំនួន ១៣ គម្រោង។

តាមរយៈគម្រោងវិនិយោគទាំងនោះ បើតាមការប៉ាន់ស្មានអាចបង្កើតការងារបានចំនួន ៥៦ ៧០០ កន្លែង។ នេះបើតាមក្រុមការងារជំរុញការវិនិយោគក្នុងខេត្តព្រះសីហនុ។

លោក ហ៊ាន សាហ៊ីប ប្រធានក្រុមការងារជំរុញការវិនិយោគក្នុងខេត្តព្រះសីហនុបានថ្លែងថា ដើម្បីទទួលបាន «អត្ថប្រយោជន៍ពិសេស» លោកបន្តលើកទឹកចិត្តដល់ធុរជននិងវិនិយោគិន អាចមកដាក់ពាក្យឬស្នើមកកាន់ក្រុមការងារជំរុញការវិនិយោគក្នុងខេត្តព្រះសីហនុ ដើម្បីទទួលបានការលើកទឹកចិត្តពិសេសទាំងផ្នែកពន្ធ ការសម្របសម្រួលផ្នែករដ្ឋបាល និងការសម្រួលនីតិវិធីផ្សេងៗពាក់ព័ន្ធនឹងការវិនិយោគ៕