ផន ស្រីពី កាន់ទង់ជាតិកម្ពុជាយ៉ាងស្វាហាប់ ទៅប្រកួត Miss Cosmo 2025 នៅវៀតណាម

ទីបំផុតម្ចាស់មកុដ Miss Cosmo Cambodia 2025 កញ្ញា ផន ស្រីពី បានកាន់ទង់ជាតិកម្ពុ ជាទៅចូលរួមកម្មវិធីប្រកួតសម្រស់ Miss Cosmo 2025 លើទឹកដីប្រទេសវៀតណាម នាចុងខែវិច្ឆិកា ឆ្នាំ២០២៥នេះ។

កាលពីល្ងាចថ្ងៃទី២៤ ខែវិច្ឆិកានេះ កញ្ញា ផន ស្រីពី បានទៅដល់ប្រទេសវៀតណាមហើយ ដើម្បីចូលរួមប្រកួត Miss Cosmo 2025 ក្រោយហ្វឹកហាត់ត្រៀមខ្លួនជាច្រើនខែកន្លងមកនេះ។

ក្នុងដំណើរទៅកាន់ឆាកអន្តរជាតិនេះ កញ្ញា ផន ស្រីពី ក៏ទទួលសារគាំទ្រលើកទឹកចិត្ត និងជូនពរជាច្រើនពីរៀមច្បងវិស័យបវរកញ្ញាក៏ដូចជាមហាជនអ្នកគាំទ្រជាច្រើនលើបណ្ដាញសង្គម។ តួយ៉ាងបវរកញ្ញា ហ្វីយ៉ារា និង ជូរី ល្អហួស ក៏បានផ្ដល់កម្លាំងចិត្តដល់រូបនាងផងដែរ។

ចំណែករៀមច្បង ប៉ូគីមថេង សុធីតា បានលើកឡើងថា “សល់តែរូបដែលជាអនុស្សាវរីយ៍ចាស់ៗសម្រាប់ផុស សូមជូនពរឱ្យទទួលបានជោគជ័យ និងនាំកិត្តយសជូនជាតិយើងណា Our Cosmo Queen”។

ជាមួយគ្នានោះ ក៏បានឃើញមានអ្នកគាំទ្រនិងអ្នកក្នុងវិស័យបវរកញ្ញាជាច្រើនបានទៅព្រលានយន្តហោះជូនដំណើរដោយផ្ទាល់៕ អត្ថបទ ៖ ចាន់រ៉ា