ជីវិតកម្សាន្ដ

ក្រោយធ្លាក់ខ្លួនឈឺនាយ ក្រិន បាត់ដំណឹងឈឹងពីសិល្បៈ

បានផុស

៤ years មុន

នៅ

ថ្ងៃសៅរ៍ ១៤ សីហា ២០២១

ដោយ

ភ្នំពេញ ៖ តារាកំប្លែងមាឌល្អិតអភ័ព្វស្នេហ៍លោក ទេស សុជន ហៅនាយ ក្រិន បន្ទាប់ពីធ្លាក់ខ្លួនឈឺកាលពីថ្មីៗកន្លងទៅនោះ គឺរហូតមកទល់ពេលនេះនា យហាក់បាត់ដំណឹងសូន្យឈឹងពីអាជីពសិល្បៈតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មហាជននិងអ្នកគាំទ្រកត់សម្គាល់ថា ការបាត់ដំណឹងរបស់នាយ ក្រិន នេះគឺចាប់តាំងពីនាយជួបរឿងអកុសលត្រូវភរិយាលួចផិតក្បត់មានសហាយស្មន់ រហូតឈានដល់ផ្លូវលែងលះគ្នា។ មិនតែប៉ុណ្ណោះអាជីពបើកហាងរបស់នាយ ក្រិន ក៏ត្រូវបានបិទទ្វារទាំងស្រុងព្រោះក្ស័យធន់។

ដោយសារហេតុផលនេះទើបកាលពីចុងឆ្នាំ២០១៩ នាយ ក្រិន បានសម្រេចវេចបង្វេចនិងនាំកូនៗទាំង៣នាក់យ៉ាងកម្សត់ចាកចេញពីរាជធានីភ្នំពេញដើម្បីទៅរស់នៅឯស្រុកកំណើតនៅខេត្តបាត់ដំបង។ ប៉ុន្តែក្រោយមកក៏មានដំណឹងនៃការធ្លាក់ខ្លួនឈឺធ្ងន់សង្គ្រោះនៅមន្ទីរពេទ្យ។

យ៉ាងណាមិញដោយសារតែការបាត់មុខយូរពីអាជីពសិល្បៈទើបមានទស្សនិកជននិងអ្នកគាំទ្រមួយចំនួនកើតចម្ងល់និងនាំគ្នាសួរនាំពីរឿងរ៉ាវរបស់នាយ ក្រិន។ ប៉ុន្តែទោះបីជាបែបនេះក៏ពិតមែនគឺពុំទាន់មានប្រភពណាមួយបញ្ជាក់ទេថានាយ ក្រិន បច្ចុប្បន្នកំពុងធ្វើអ្វីឡើយខណៈកម្ពុជាថ្មីនៅរសៀលថ្ងៃទី១៤ ខែសីហា ឆ្នាំ២០២១នេះ មិនអាចទាក់ទងសួរនាំតាមទូរសព្ទពីនាយ ក្រិន បានទេ៕

ដោយ ៖ ចាន់រ៉ា