ជីវិតកម្សាន្ដ

YG ចេញមុខបដិសេធពាក្យចចាមអារ៉ាមល្បីថា Jisoo និងកីឡាករបាល់ទាត់ Son Heung Min ណាត់ជួបគ្នានៅបារាំង

បានផុស

៥ years មុន

នៅ

ថ្ងៃអាទិត្យ ១០ តុលា ២០២១

ដោយ

ថ្មីៗនេះពាក្យចចាមអារ៉ាមទាក់ទងនឹង Jisoo សមាជិកក្រុម BLACKPINK និងតារាបាល់ទាត់កូរ៉េខាងត្បូងដ៏ល្បីឈ្មោះ Son Heung Min បានចាប់ផ្ដើមល្បីសុះសាយ ក្រោយពីអ្នកទាំងពីរត្រូវបាន គេប្រទះឃើញចាកចេញពីប្រទេសបារាំងក្នុងពេលតែមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទាក់ទិននឹងពាក្យចចាមអារ៉ាមនេះ ខាងផលិតកម្ម YG បានផ្តល់សេចក្តីថ្លែងការណ៏បដិសេធភ្លាមៗ មិនបង្អង់យូរ ដូចក្រោមថា ៖

យើងសូមបញ្ជាក់ថា ពាក្យចចាមអារ៉ាមណាត់ជួបទាំងអស់ដែលទាក់ទងនឹង Jisoo សមាជិកក្រុម BLACKPINK មិនមែនជាការពិតទេ។ យើងបានដឹងអំពីពាក្យចចាមអារ៉ាម ដែលកំពុងចរាចរ។ ដោយពិចារណាថា វាបានរីករាលដាលយ៉ាងទូលំទូលាយ ក្នុងចំណោមអ្នកគាំទ្រអន្តរជាតិផងដែរ ឥឡូវនេះ យើងជឿជាក់ថា ស្ថានភាពនេះទាមទារឲ្យមានសេចក្តីថ្លែងការណ៍ជាផ្លូវការ សូមបញ្ឈប់ការផ្សាយព័ត៌មានមិនពិត ដែលមិនសមហេតុផល។

ថ្មីៗនេះ Jisoo បានចូលរួមសប្តាហ៍ម៉ូដប៉ារីស ក្នុងនាមជាឯកអគ្គរដ្ឋទូតប្រចាំផ្ទះម៉ូដ Dior ខណៈដែល Son Heung Min បានបន្តអាជីពនៅ Premier League ជាមួយក្រុមមាន់ខ្នាយមាស Tottenham Hotspur FC (ត្រូវបានគេស្គាល់ថា The Spurs) ។ ចំណែករូបលោក ក៏មិនទាន់ចេញសេចក្តីថ្លែងការណ៍ផ្លូវការនៅឡើយទេ៕

ប្រែសម្រួល៖ សាង ស្រីល័ក្ខ

ប្រភព៖koreaboo

ចុចអាន៖K-pop ល្អឥតខ្ចោះគ្មានចំណុចទាស់ តែនៅពីក្រោយ គឺទុក្ខលំបាក ដែលគ្មានអ្នកណាដឹងឡើយ

ចុចអាន៖ទស្សនាវដ្ដី Forbes កូរ៉េ ចេញចំណាត់ថ្នាក់តារា K-Pop រកចំណូលបានច្រើនជាងគេ ក្នុង ឆានែលយូធូបប្រចាំឆ្នាំ ២០២១