ខ្សែភាពយន្ត Eternals ឈរលើកំពូលតារាង Box Office តែរកចំណូលមិនដូចការរំពឹងទុក

ខ្សែភាពយន្តនិយាយអំពីមហាវីរបុរសរបស់ផលិត Marvel​ រឿង Eternals បានឈរនៅលើកំពូលតារាង Box Office ក្នុងសប្ដាហ៍នេះ ប៉ុន្តែបែរជាមិនសូវមានប្រជាប្រិយ ខណៈប្រាក់ចំណូលរកបាន មិនដូចការព្យាករណ៍ទុកឡើយ។

ដើមឡើយ អ្នកវិភាគកុនរបស់ MCU រំពឹងទុកថា ខ្សែភាពយន្តនេះអាចរកចំណូលប្រមាណពី ៧៥-៨០លានដុល្លារអាមេរិក នៅសប្ដាហ៍ដំបូងនៃការចាក់ផ្សាយ ប៉ុន្តែជាក់ស្ដែងរឿង Eternals រកបានតែជាង ៧១លានដុល្លារប៉ុណ្ណោះ។

ក្រៅពីប្រាក់ចំណូលធ្លាក់ចុះ ខ្សែភាពយន្តនេះ ក៏ត្រូវបានទស្សនិកជនរិះគន់យ៉ាងចាស់ដៃ និងទទួលបានពិន្ទុមធ្យមត្រឹម ៤៨%ប៉ុណ្ណោះនៅលើគេហទំព័រ Rotten Tomatoes ដែលនេះជាលើកទីមួយហើយដែលភាពយន្តរបស់ Marvel មិនអាចទទួលបានចំណាត់ថ្នាក់ល្អ។

ទោះជាយ៉ាងណា កុននេះចាត់ទុកជាកុនជោគជ័យមួយក្នុងចំណោមកុនផ្សេងៗរបស់ Marvel ដែលចាក់បញ្ចាំងកំលុងនៃជំងឺរាតត្បាតដែលមានដូចជា រឿង Black Widow (៨០.៣ លានដុល្លារ) រឿង Shang-Chi and Legend of the Ten Rings (៧៥.៣ លានដុល្លារ) និងរឿង Sony’s Venom: Let There Be Carnage ( ៩០ លានដុល្លារ)។

ប្រភពពី Daily Mail បានឱ្យដឹងដែរថា ខ្សែភាពយន្ត Eternals ពុំទទួលជោគជ័យខ្លាំងក្លា ទំនងមកពីវាត្រូវបាន​ហាមប្រាមមិនឱ្យបញ្ចាំងក្នុងប្រទេសមួយចំនួនរួមមាន អារ៉ាប៊ីសាអូឌីត គុយវ៉ែត និងកាតា​ ខណៈប្រទេស​ចិនមិនហាមឃាត់ពិតមែន តែមិនទាន់ប្រកាសថ្ងៃចាក់ផ្សាយនៅឡើយ៕

ទស្សនាវីដេអូ Trailer

ប្រែសម្រួល៖ សន្យា

ចុចអាន៖ Neymar បង្ហោះសារយ៉ាងខ្លី ក្រោយតារាចម្រៀងប្រេស៊ីល ស្លាប់ដោយធ្លាក់យន្តហោះ

ចុចអាន៖ កូនស្រីស្តេចចម្រៀងប៉ុប Michael Jackson បញ្ចេញរូបថតអាក្រាតកាយក្នុងបន្ទប់ទឹក