ដឹងតម្លៃខ្លួនតួសម្ដែងសំខាន់ៗ ក្នុងខ្សែភាពយន្ត Eternals ម្នាក់ៗសុទ្ធតែខ្ទង់លានដុល្លារ

រាប់តាំងពីថ្ងៃចាក់បញ្ចាំង មកទល់នឹងពេលនេះ ខ្សែភាពយន្ត Eternals រកចំណូលបានពី Box Office ប្រមាណ ២៨០.៧លានដុល្លារអាមេរិកហើយ ខណៈទុនសម្រាប់ផលិតចំណាយអស់ ២០០លានដុល្លារ។

​ដោយឡែក បើក្រឡេកមើលលើតម្លៃខ្លួនរបស់តួសម្ដែងសំខាន់ៗទាំង ១០រូប ក្នុងខ្សែភាពយន្តដែលរៀបរាប់ពីកំពូលវីរបុរសរបស់ Marvel មួយនេះវិញ ឃើញថាការចំណាយម្នាក់ៗសុទ្ធតែខ្ទង់លានដុល្លារទាំងអស់។

តោះមកដឹងជាមួយគ្នា!

តារាសម្ដែងអាមេរិកាំង Angelina Jolie ដើរតួជា Thena ដោយបានស៊ីថ្លៃ ១៩-២០លានដុល្លារអាមេរិក។

តារាសម្ដែងមិកស៊ិក-អាមេរិក Salma Hayek ដើរតួ Ajak។​ ក្នុងខ្សែភាពយន្តនេះ នាងស៊ីថ្លៃ ៥លានដុល្លារអាមេរិក។

តារាសម្ដែងអង់គ្លេស Gemma Chan ដើរតួ Sersi។ នាងទទួលបានប្រាក់ចំណូល ៥លានដុល្លារអាមេរិក។

តារាសម្ដែងជនជាតិអាមេរិក Richard Madden ដើរតួជា Ikaris។ លោកទទួលបានប្រាក់ចំណូល ៤.៥លានដុល្លារអាមេរិក។

តារាកំប្លែងប៉ាគីស្ថាន-អាមេរិក Kumail Nanjiani ដើរតួជា Kingo។ លោកទទួលបានប្រាក់ចំណូល ៣លានដុល្លារអាមេរិក។

តារាសម្ដែងអាមេរិកាំង Lia McHugh ដើរតួ Sprite។ កុមារីរូបនេះ​ស៊ីថ្លៃ ២,៥លានដុល្លារអាមេរិក។

តារាសម្ដែងជនជាតិអាមេរិក Brian Tyree Henry ដើរតួ Phastos។ លោកទទួលបានប្រាក់ចំណូលចំនួន ២លានដុល្លារអាមេរិក។

តារាសម្ដែងជនជាតិអាមេរិក Lauren Ridloff ដើរតួ Makkari ។ នាងស៊ីថ្លៃមួយរឿងនេះចំនួន ១,៧លានដុល្លារអាមេរិក។

តារាសម្ដែងអៀរឡង់ Barry Keoghan ដើរតួជា Druig ។ តារាប្រុសរូបនេះទទួលបានប្រាក់ចំណូលចំនួន ១,៥លានដុល្លារអាមេរិក។

តារាសម្ដែងកូរ៉េខាងត្បូង Don Lee ដើរតួជា Gilgamesh។ សម្ដែងចប់ក្នុងខ្សែភាពយន្ត​ Eternals លោកទទួលបានចំណូល ១,២៥លានដុល្លារអាមេរិក៕

ប្រែសម្រួល៖ សន្យា

ចុចអាន៖ ខ្សែភាពយន្ត Eternals ឈរលើកំពូលតារាង Box Office តែរកចំណូលមិនដូចការរំពឹងទុក

ចុចអាន៖ បាត់មុខ ៤ឆ្នាំ ក្រុម T-ARA វិលវិញដោយនិពន្ធទំនុកច្រៀងខ្លួនឯង​ និងចាយលុយផ្ទាល់ខ្លួនផលិត MV