ជីវិតកម្សាន្ដ

ចម្រៀងមួយបទរបស់ Michael Jackson កាលពី ១០ ឆ្នាំមុន ដូចគ្នានឹងសង្គ្រាម រុស្ស៊ី-អ៊ុយក្រែន បច្ចុប្បន្ន (មានវីដេអូ)

បានផុស

៤ years មុន

នៅ

ថ្ងៃព្រហស្បតិ៍ ៣ មីនា ២០២២

ដោយ

ចម្រៀងមួយបទរបស់តារាចម្រៀងប៉ុបអាមេរិក Michael Jackson កាលពី ១០ ឆ្នាំមុន ត្រូវបានគេមើលឃើញថា ដូចគ្នានឹងសង្គ្រាមបច្ចុប្បន្នដែលកំពុងផ្ទុះឡើងរវាងរុស្ស៊ី និងអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បទចម្រៀង Earth Song ដែលស្ដេចចម្រៀង Michael Jackson ច្រៀងសម្ដែងលើឆាកក្នុងឆ្នាំ ២០១១ បានធ្វើឲ្យទស្សនិកជនក្ដុកក្ដួលចិត្តយ៉ាងខ្លាំង ជាពិសេសក្នុងនាទី ៩ នាទីនៃបទចម្រៀងនោះបានបង្ហាញពីទាហានជិះរថក្រោះ និងកាន់កាំភ្លើងភ្ជុងប្រជាជនដែលរងគ្រោះ ។

ក្រោយមក Michael Jackson បានយកដៃដាក់កាណុងកាំភ្លើងចុះ ហើយមានក្មេងស្រីម្នាក់កាន់ផ្កាឈូករ័ត្នដែលតំណាងប្រទេសអ៊ុយក្រែនទៅទាហានរូបនោះយ៉ាងក្លាហានដើម្បីឲ្យបញ្ចប់សង្គ្រាម និងសុំសុខសន្តិភាព ។

ការសម្ដែងនោះហាក់ដូចជាក្លាយជាការពិត បន្ទាប់ពីសង្គ្រាមកំពុងឆាបឆេះនៅអ៊ុយក្រែន ក្រោយការវាយលុកពីសំណាក់ប្រទេសរុស្ស៊ី និងបណ្ដាលឲ្យជនស៊ីវិលជាង ២ ពាន់នាក់ត្រូវបានសម្លាប់ ។

គួរបញ្ជាក់ថា បទចម្រៀង Earth Song របស់ស្ដេចចម្រៀង Michael Jackson បានចេញផ្សាយកាលពីថ្ងៃទី ២៧ ខែវិច្ឆិកា ឆ្នាំ ១៩៩៥ និងត្រូវបានថតនៅក្នុងតំបន់ភូមិសាស្ត្រចំនួន ៤ ផ្តោតលើការបំផ្លិចបំផ្លាញ និងការកើតជាថ្មីនៃផែនដី ៕

សូមទស្សនាវីដេអូ!