ជីវិតកម្សាន្ដ

បង្ហាញមុខតារា ៥ រូប ល្បីក្នុងវិស័យ K-pop ដោយសារឪពុកម្តាយ ជាបុគ្គលមានឥទ្ធិពលខ្លាំង

បានផុស

៤ years មុន

នៅ

ថ្ងៃចន្ទ ២៨ មីនា ២០២២

ដោយ

នៅពេលដែលឧស្សាហកម្ម K-pop កាន់តែមានភាពល្បីល្បាញខ្លាំង រហូតដល់លោកខាងលិច គ្មានអ្នកណាម្នាក់ មិនស្គាល់ពីសាវតាររបស់តារា ដែលខ្លួនស្រលាញ់ឡើយ។

ទន្ទឹមនោះ មានតារាល្បីៗមួយចំនួននៅលើឆាកសព្វថ្ងៃនេះ ក៏មានឪពុកម្ដាយជាបុគ្គលល្បីៗនិងជាតារាជើងចាស់ឆ្នើម ដែលទាំងនោះហើយ ធ្វើឲ្យពួកគេមានភាពល្បីល្បាញ និងត្រូវបានគេស្គាល់ច្រើន ។

១ Kim Chae-won សមាជិកក្រុម Iz*One

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខណៈដែល Kim Chae-won បានបង្ហាញខ្លួនជាលើកដំបូងនៅក្នុងកម្មវិធី Iz*One បន្ទាប់ពីបានឈ្នះនៅទូទាំងប្រទេសក្នុងឆ្នាំ ២០១៨ ម្តាយរបស់នាងបានធ្វើការយ៉ាងខ្ជាប់ខ្ជួន ក្នុងវិស័យកម្សាន្តអស់រយៈពេលជាង ៣០ ឆ្នាំមកហើយ។ Lee Ran-hee គឺជាតារាសម្តែងជើងចាស់ និងជាអ្នកសំដែងល្ខោន ថ្វីត្បិតតែអ្នកទាំងពីរមើលទៅដូចគ្នាខ្លាំងណាស់ ប៉ុន្តែទំនាក់ទំនងរបស់ពួកគេ ទើបតែត្រូវបានបើកបង្ហាញនៅក្នុងឆ្នាំ ២០១៩ ប៉ុណ្ណោះ។

២ Sieun សមាជិកក្រុម StayC

នាងបានបង្ហាញខ្លួនជាលើកដំបូងនៅក្នុងកម្មវិធី Kids is Life’s Blessings នៅក្នុងឆ្នាំ ២០១៤ ដែលជាកម្មវិធីពិតដែលគ្របដណ្តប់ជីវិតគ្រួសាររបស់កូនៗរបស់តារាល្បី។ ដោយសារតែឪពុករបស់ Sieun គឺគ្មាននរណាក្រៅពីអ្នកសំដែងជើងចាស់ Park Nam-jung ដែលត្រូវបានគេស្គាល់ថាជា “Michael Jackson របស់ប្រទេសកូរ៉េខាងត្បូង” ក្នុងទសវត្សរ៍ឆ្នាំ ១៩៨០ ។ នាងត្រូវបានផលិតកម្ម JYP ទទួលកយក ហើយបានបង្ហាញខ្លួនជាតួសម្ដែងក្នុងរឿងភាគដូចជា Six Flying Dragons ។ បន្ទាប់ពីចាកចេញពី JYP នាងបានធ្វើឲ្យមហាជនភ្ញាក់ផ្អើល ជាមួយនឹងការសម្រេចចិត្តផ្លាស់ប្ដូរទៅជាតារាចម្រៀងប៉ុប។ នាងបានបង្ហាញខ្លួនជាលើកដំបូង ជាមួយក្រុមចម្រៀងស្រី StayC ក្នុងឆ្នាំ ២០២១។ សំលេង និងជំនាញរាំធម្មជាតិរបស់នាង បង្ហាញថា នាងមានន័យសម្រាប់កិត្តិនាម ដោយមានឬគ្មានឪពុកម្តាយ ដ៏ល្បីល្បាញជួយអមឡើយ។

៣ Hyunsik ក្រុម BtoB

Im Hyun-sik គឺជាតារាចម្រៀង អ្នកនិពន្ធបទចម្រៀង និងបទភ្លេង នៃក្រុម BtoB ។ ឪពុករបស់ Hyunsik មានភាពល្បីល្បាញតាំងពីយូរណាស់មកហើយ គាត់ជាតារាចម្រៀងប្រជាប្រិយឈ្មោះថា Im Ji-hoon ដែលសព្វថ្ងៃអ្នកទាំងពីរលេងហ្គីតា និងជាអ្នកនិពន្ធបទចម្រៀងដែលមានទេពកោសល្យ។ Im Hyun-sik បានចេញបទចម្រៀងដែលផលិតដោយខ្លួនឯងមួយចំនួន រហូតមកដល់បច្ចុប្បន្ន ដូច្នេះវាហាក់ដូចជាគាត់បានទទួលឥទ្ធិពលតន្ត្រី ពីឪពុករបស់គាត់ដែរ។

៤ Jeongyeon ក្រុម Twice

លោក Yoo Chang-joon គឺជាឪពុករបស់ Jeongyeon និងជាចុងភៅដ៏ល្បីម្នាក់ ដែលបានបង្ហាញខ្លួននៅក្នុងកម្មវិធីធ្វើម្ហូបជាច្រើន រួមទាំង Please Take Care of My Refrigerator។ ទោះជាយ៉ាងណាក៏ដោយ ទំនាក់ទំនងរបស់ពួកគេត្រូវបានលាតត្រដាង បន្ទាប់ពីការបង្ហាញខ្លួនដំបូងរបស់នាង ដែលអនុញ្ញាតឲ្យ Yoo បង្ហាញថាជោគជ័យរបស់នាង គឺដោយសារតែការខិតខំប្រឹងប្រែងរបស់នាង មិនមែនមកពីមានឪពុកជាបុគ្គលឡើយ។

៥ Sorn សមាជិកក្រុម CLC

តារាចម្រៀងប្រចាំប្រទេសកូរ៉េខាងត្បូងនេះ កើតមកពីគ្រួសារសុទ្ធតែជាអ្នកសិល្បៈ មុនពេលនាងបង្ហាញខ្លួនក្រោមផលិតកម្ម Cube ។ Sorn បានបង្ហើបតាមកញ្ចក់ទូរទស្សន៍ថា ឪពុករបស់នាងគឺ លោក Wanasthana Sajakul ដែលជាតារាសម្ដែងថៃជើងចាស់មួយរូប ដែលសព្វថ្ងៃនេះ គាត់ជាសមាជិកសភាដ៏ល្បីមួយរូប៕

ប្រែសម្រួល៖ សាង ស្រីល័ក្ខ

ចុចអាន៖ភោជនីយដ្ឋានមួយនៅ ថៃ លក់ដាច់ខ្លាំង បន្ទាប់ពី Lisa ចូលទៅញ៉ាំអាហារនៅទីនោះរួច (មានវីដេអូ)

ចុចអាន៖បណ្ដុំរូបភាពគូស្នេហ៍ ថៃ ល្បីៗ ជូនពរសង្សារបណ្ដូលចិត្តក្នុងថ្ងៃកំណើត សែនផ្អែមល្ហែម