ជីវិតកម្សាន្ដ

តារាជួរមុខ ថៃ ៣ រូបនេះ ត្រូវបានគេដឹងថា មានអាងហែលទឹកក្នុងផ្ទះ លំដាប់អភិជន

បានផុស

៣ years មុន

នៅ

ថ្ងៃអង្គារ ១២ មេសា ២០២២

ដោយ

យើងធ្លាប់តែឃើញតារាល្បីៗរបស់ថៃ មានស្ទាយស្លៀកពាក់ប្លែកៗជារបស់ខ្លួន ឬមានអ្វីៗគ្រប់យ៉ាងនៅក្នុងដៃ។ ប៉ុន្តែយើងអត់ដឹងទេថា តារាខ្លះសឹងតែថារស់នៅដូចអភិជនពិតៗ រហូតមានអាងទឹកសម្រាប់ហែលលេង ដែលជាលក្ខណៈបែបឯកជន សម្រាប់ប្រើប្រាស់ក្នុងសកម្មភាពសង្គម ឬរៀបចំកម្មវិធីជប់លៀងរបស់មិត្តភ័ក្ដិក្នុង និងក្រៅឧស្សាហកម្មរបស់ពួកគេ។

១ Aum Patcharapa

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកណាៗក៏ដឹងថា តារាសម្ដែងស្រីរូបនេះមានជីវិតហៃសូប៉ុណ្ណា នាងបានរចនាអាងហែលទឹកដ៏ធំបំផុត និងបែបទំនើបនៅក្នុងបរិវេណផ្ទះ។ ជារឿយៗគេតែងឃើញ Aum បង្ហោះឈុតប៊ីគីនីក្នុងអាងហែលទឹកបែបឯកជននេះ ដល់បណ្ដាអ្នកគាំទ្រជានិច្ច។

២ Chompoo-Araya

តារាស្រីលំដាប់ថ្នាក់កំពូល អ្នកម្តាយកូនបីរូបនេះ ក៏មានអាងហែលទឹកឯកជនមួយនៅក្នុងផ្ទះផងដែរ។ ជាពិសេសអាងទឹករបស់នាង គឺផ្តោតលើអារម្មណ៍នៃការរស់នៅក្នុងប្រទេសអឺរ៉ុបមួយ ហើយជាទូទៅអ្នកដែលស្គាល់ Chompoo ប្រាកដជាឃើញពីរូបថតដែលនាងថត ដូចនៅប្រទេសអឺរ៉ុបយ៉ាងដូច្នោះ ដែលតាមការពិត គឺអាងទឹកបែបអភិជនរបស់នាងទៅវិញទេ។ អ្វីដែលសំខាន់បំផុតនោះគឺ ជ្រុងនេះជារបស់សមាជិកគ្រួសារនាងទាំងមូល។ ជាពិសេស កូនប្រុសភ្លោះ ដែលតែងតែមានរូបភាពលេងទឹកយ៉ាងសប្បាយរីករាយផងដែរ។

៣ Boy Pisanu Nimsakul

ដោយឡែកសម្រាប់តារាចម្រៀងនិងសម្ដែង លោក Boy Pisanu Nimsakul អាចចាត់ទុកថា ជាមនុស្សម្នាក់ទៀតដែលយកចិត្តទុកដាក់លើការរចនាម៉ូដអាងហែលទឹកបែបឯកជនក្នុងផ្ទះដូចគ្នា។ មហាជនជាច្រើន ក៏បានគេកោតសរសើរដូចៗគ្នាថា ជាអាងហែលទឹកដែលផ្ដល់ភាពកក់ក្ដៅ សាមញ្ញ ប៉ុន្តែមើលទៅប្រណិតនិងបែបអភិជនខ្លាំង ដូចជានៅក្នុងរមណីយដ្ឋាន ឬតាមសណ្ឋាគារល្បីៗ។

ក្រៅពីនោះ ក៏មានតារាល្បីៗជាច្រើនរូប ដែលមានអាងហែលទឹកយ៉ាងស្រស់ស្អាត និងបែបអភិជនខ្លាំង ដូចជា Peggy Srithanya, Tonhom Sakuntala, Naey Chotika, DJ Petchja និងតារាច្រើនទៀតថែមទៀត៕

ប្រែសម្រួល៖ សាង ស្រីល័ក្ខ

ចុចអាន៖រូប ៤ សន្លឹករបស់ Chompoo នៅពីមុខឡានទំនើប ត្រូវមិត្តក្នុងវិស័យសិល្បៈ ចាប់អារម្មណ៍ខ្លាំងបំផុត

ចុចអាន៖រូបថតប៉ុន្មានសន្លឹករបស់ Aum Patcharapa ផ្ទុះការចាប់អារម្មណ៍ខ្លាំងជាងគេ ត្រង់ចង្កេះ