មិត្តស្រី Ronaldo ធ្វើរឿងមួយពេលចូលរួមកម្មវិធី Cannes ថ្ងៃមុន មហាជនចំហមាត់ធ្លុង

Georgina មិត្តស្រីតារាបាល់ទាត់ Ronaldo កាលពីប៉ុន្មានថ្ងៃមុននេះ បានធ្វើឱ្យសាធារណជនស្ញប់ស្ញែង ចំហមាត់ ក្រោយពេលចូលរួមមហោស្រពភាពយន្តទីក្រុង Cannes ខណៈទើបតែសម្រាលកូនបាន១ខែប៉ុណ្ណោះ។

កាលពីនៅថ្ងៃទី២៥ ខែឧសភា កន្លងទៅនេះ Georgina Rodriguez បានបង្ហាញខ្លួននៅឯមហោស្រព Palais des Festival និងធ្វើឱ្យមហាជនផ្ទុះការចាប់អារម្មណ៍ជាខ្លាំង ដោយសារនាងបានជិះយន្តហោះឯកជនទៅកាន់ចូលរួមកម្មវិធី ​ខុសពីតារាល្បីៗជាច្រើនដួងទៀត។

មិត្តស្រីរបស់ CR7 បានពេលស្លៀករ៉ូបពណ៌ប្រាក់ ជើងវែង ជាមួយនឹងការរចនាម៉ូដវាលខ្នង និងឆែកភ្លៅ មើលទៅពិតជាសិចស៊ី ទាក់ទាញខ្លាំងណាស់។ ថ្វីត្បិតនាងធ្លាប់ផ្ដល់កំណើតឱ្យកូន២នាក់ហើយក៏ដោយ រូបសម្រស់របស់ Georgina ពិតជាស្រស់ស្អាត នៅតែទាក់ទាញភ្នែកមនុស្សរាប់សិបគូ។

យ៉ាងណាមិញ អ្វីដែលមហាជនកាន់ចាប់អារម្មណ៍ខ្លាំងជាងនេះ គឺតារាស្រីរូបនេះ បានធ្វើដំណើរចូលរួមកម្មវិធីជាមួយនឹងយន្តហោះផ្ទាល់ខ្លួន។ ដើម្បីចូលរួមមហោស្រពភាពយន្តដ៏ល្បីល្បាញបំផុតរបស់ពិភពលោក នាងបានជិះយន្តហោះឯកជនពី Manchester ចក្រភពអង់គ្លេស ទៅកាន់ទីក្រុង Cannes ប្រទេសបារាំង ធ្វើឱ្យគ្រប់គ្នាបើកភ្នែកធំៗតែម្ដង។

នេះជាលើកទី ៣ហើយដែល Georgina បានចូលរួមនៅលើកម្រាលព្រំក្រហម ខណៈកាលពីពេលមុនៗ គឺអំឡុងឆ្នាំ២០២០ និងឆ្នាំ២០២១។ ហើយនេះ​ក៏​ជា​លើក​ទី​១ដែរ ដែលនាងបង្ហាញ​ខ្លួន​ក្នុង​កម្មវិធី showbiz ក្រោយ​សម្រាលកូន​បាន​ជាង​មួយ​ខែ៕

ប្រែសម្រួល៖ សន្យា

ចុចអាន៖ ក្រោយបាត់បង់កូនប្រុស Ronaldo ប្រកាសឈ្មោះកូនស្រីដែលនៅរស់

ចុចអាន៖ អ្នកតាមដានក្លែងក្លាយរបស់ Ronaldo អាចរកចំណូលឱ្យលោកជាងកន្លះលានដុល្លារ

ចុចអាន៖ ការពិតនានាពី Georgina មិត្តស្រីរបស់ Ronaldo គ្មាននរណាធ្លាប់ខ្វល់ឡើយ