ខ្សែភាពយន្ត “Top Gun” កំពុងវ័នកនឹងបណ្ដឹង

ទើបតែបញ្ចាំងបាន ១០ថ្ងៃ ខ្សែភាពយន្តហូលីវូដ “Top Gun: Maverick” ត្រូវសមាជិកគ្រួសាររបស់អ្នកនិពន្ធប្ដឹងទាមទារសំណង ពីបទរំលោភលើសិទ្ធិអ្នកនិពន្ធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមគ្រួសាររបស់អ្នកនិពន្ធជនជាតិអ៊ីស្រាអែលដែលជាម្ចាស់ដើមនៃរឿង “Top Gun” ឆ្នាំ១៩៨៣ កំពុងប្តឹងស្ទូឌីយោភាពយន្ត Paramount Pictures ពីបទរំលោភកម្មសិទ្ធិបញ្ញា ជុំវិញការចេញផ្សាយវគ្គថ្មីនៃរឿង “Top Gun” នាឆ្នាំ២០២២នេះ។ ពួកគេអះអាងថា ស្ទូឌីយោគ្មានសិទ្ធិលើការផលិតវគ្គថ្មីនៃរឿង “Top Gun” ឆ្នាំ១៩៨៣ របស់អ្នកនិពន្ធ Ehud Yonay នោះទេ។

កាលពីថ្ងៃចន្ទ ទី៦ ខែមិថុនា ម្សិលមិញនេះ បណ្តឹងបានទៅដល់តុលាការសហព័ន្ធ Los Angeles ដោយមានភរិយា និងកូនប្រុសរបស់អ្នកនិពន្ធ Ehud Yonay ជាអ្នកចោទប្រកាន់ស្តូឌីយោ Paramount អំពីការំលោភសិទ្ធិផលិត ខណៈកុងត្រាពីមុនត្រូវបានបញ្ចប់ទៅហើយ។ ពេលនេះពួកគេប្ដឹងទាមទារសំណងខូចខាត និងទាមទារប្រាក់មួយចំនួនដែលពីស្ទូឌីយោចំណេញពីខ្សែភាពយន្ត “Top Gun: Maverick” ស្របពេលដែលបច្ចុប្បន្នភាពយន្តនេះរកចំណូលបាន ៥៤៨លានដុល្លារអាមេរិក នៅទូទាំងពិភពលោក ក្នុងរយៈពេលត្រឹមតែ ១០ ថ្ងៃដំបូងនៃការចេញផ្សាយប៉ុណ្ណោះ។

ឆ្លើយតបទៅនឹងពាក្យបណ្ដឹង ស្ទូឌីយោ Paramount Pictures បានប្ដេជ្ញានឹងតស៊ូជាមួយដើមបណ្ដឹងវិញរហូតដល់ទីបញ្ចប់៕

ប្រែសម្រួល៖ សន្យា

ប្រភព៖ BBC

ចុចអាន៖ ម្ចាស់បទ ‘All I Want For Christmas Is You’ ថ្មីប្រឈមបណ្តឹង ២០ លានដុល្លារ