គ្រប់គ្នាមិនចង់ជឿ ពេលដឹងថា Britney Spears ទើបចូលបារជាលើកដំបូង

គ្រប់គ្នាសុទ្ធតែភ្ញាក់ផ្អើល ក្រោយកំពូលតារាចម្រៀងប៉ុប Britney Spears ទម្លាយថានាងទើបតែចេះចូលបារជាលើកដំបូងក្នុងជីវិត ខណៈកំពុងឈានចូលវ័យ ៤០ឆ្នាំទៅហើយ។

កាលពីថ្ងៃព្រហស្បតិ៍ ទី២៨ ខែកក្កដា តារាប៉ុបរូបនេះ បានបង្ហោះវីដេអូលើគណនី Instagram របស់នាងថា ខ្លួនបានទៅបារមួយកន្លែងជាមួយជំនួយការរបស់នាងឈ្មោះ Victoria Asher។ នៅ​ក្នុង​វីដេអូ​ដែល​បាន​បង្ហោះ​ Britney Spears ​និយាយ​ថា “នេះ​ជា​លើក​ទី​មួយ​របស់​ខ្ញុំដែល​នៅក្នុង​បារ។ ខ្ញុំ​មាន​អារម្មណ៍​ស្រស់​ស្រាយ​មែនទែន ហើយ​ខ្ញុំ​មាន​អារម្មណ៍​ថា បារ​ទំនើប​ណាស់”។ នាងបន្ថែមទៀតថា ខ្លួនមិនដែលបានប៉ះផឹកស្រាក្រឡុកអស់រយៈពេល ១៣ឆ្នាំមកហើយ។

ទន្ទឹមគ្នាដែរ គេបានដឹងថា មូលហេតុដែលនាំឱ្យ តារាចម្រៀងអាមេរិកាំងរូបនេះ ឈានជើងចូលបារកម្សាន្តជាលើកដំបូងបែបនេះ គឺដោយសារនាងធ្វើពិធីអបអរសាទរការជួបជុំមិត្តចាស់ ដែលបានបែកគ្នា​អស់​រយៈ​ពេលជាង ១០ឆ្នាំ​៕

ប្រែសម្រួល៖ សន្យា

ចុចអាន៖ តារាចម្រៀង Shakira ពាក់ព័ន្ធសំណុំរឿងបន្លំពន្ធនៅប្រទេសអេស្ប៉ាញ

ចុចអាន៖ រៀបការស្វាមីទី៣រួចភា្លម Britney Spears ចាយជិត ១២លានដុល្លារទិញវិមានថ្មី នៅជិតអតីតស្វាមីទី២