ជីវិតកម្សាន្ដ

ត្រឹម ៤ ម៉ោង សំបុត្រប្រគំតន្រី្ត SKULL TOUR របស់ វណ្ណដា ៣ពាន់សន្លឹក លក់អស់គ្មានសល់នៅភ្នំពេញ

បានផុស

៤ years មុន

នៅ

ថ្ងៃពុធ ១០ សីហា ២០២២

ដោយ

តារាចម្រៀងនិងរ៉េប វណ្ណដា បានប្រកាសមុននេះបន្តិចថា សំបុត្រប្រភេទ Early Bird ចំនួន ៣,០០០ សន្លឹកនៃការប្រគំតន្រ្ដី SKULL TOUR នៅភ្នំពេញ ត្រូវបានលក់អស់ក្នុងរយៈពេល ៤ ម៉ោង ប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ តារារ៉េប វណ្ណដា បានសរសេរសំណេរយ៉ាងវែងអន្លាយថ្លែងអំណរគុណដល់អ្នកគាំទ្រខ្លួនថា ” ៣០០០ សំបុត្រ (Early Bird) នៃការប្រគំតន្រ្ដី SKULL TOUR នៅភ្នំពេញ ត្រូវបានលក់អស់ក្នុងរយៈពេល ៤ ម៉ោង អរគុណអ្នកទាំងអស់គ្នា ជាពិសេសសម្រាប់ការគាំទ្រ ជួបគ្នានៅភ្នំពេញនាថ្ងៃទី ១៧ ខែកញ្ញា ខាងមុខនេះ!

ជាមួយគ្នានេះដែរ លោកក៏បន្ថែមក្រោមសំណេរនោះថា សម្រាប់អ្នកមិនទាន់បានធ្វើការជាវសំបុត្រ សូមកុំទាន់បារម្ភពួកយើងនៅមានសំបុត្រសម្រាប់ ខេត្ដបាត់ដំបង សៀមរាប កំពង់ចាម និង ព្រះសីហនុ ទៀត សម្រាប់សំបុត្រ Regular នៅភ្នំពេញ ពួកយើងនឹងធ្វើការប្រកាសដំណឹងនាពេលឆាប់ៗនេះ!!

គួរបញ្ជាក់ផងដែរថា ការប្រគំតន្ត្រីរបស់តារារ៉េបរូបនេះបានប្រកាសធ្វើឡើងកាលពីម្សិលមិញប៉ុណ្ណោះ។ ខណៈតម្លៃសំបុត្រតាមខេត្តដូចជាបាត់ដំបង សៀមរាប កំពង់ចាម ព្រះសីហនុត្រឹម៣ ម៉ឺនរៀល។ ចំណែកឯភ្នំពេញ (Early Bird) ៦ម៉ឺនរៀល (លក់អស់គ្មានសល់) និង ៨ ម៉ឺនរៀល (Regular) ថែមទាំងមានការចូលរួមពីភ្ញៀវកិត្តិយសពិសេសៗ ទៀតផង៕

អត្ថបទ៖ សាង ស្រីល័ក្ខ

ចុចអាន៖វណ្ណដា បញ្ចូលសាច់ភ្លេងឧបករណ៍តន្ត្រីខ្មែរ ក្នុងបទ “RUN THE TOWN” អ្នកស្ដាប់អាចមិនចាប់អារម្មណ៍ត្រង់ចំណុចនេះ

ចុចអាន៖“ផ្ទះកណ្ដាលបឹង” វគ្គ២ ចេញវីដេអូ Book Trailer មិនបានប៉ុន្មាន អ្នកគាំទ្រទទូចចង់ឲ្យមានជា ភាពយន្ត