ភស្តុតាងកាន់តែច្រើនបង្ហាញថា Jennie និង​ V មានទំនាក់ទំនងស្នេហា

ភ្នាក់ងារសារព័ត៌មានក្នុងស្រុកចាប់បានភស្តុតាងកាន់តែច្រើនបន្ថែមទៀត ដែលបញ្ជាក់ថា V សមាជិកក្រុម BTS និង Jennie សមាជិកក្រុម BLACKPINK មានទំនាក់ទំនងស្នេហាប្រុសស្រី មិនមែនគ្រាន់តែជាពាក្យចចាមអារ៉ាមនោះទេ។ ជាពិសេសថ្មីៗនេះ កាសែតកូរ៉េបានចុះផ្សាយថា V បានទៅគាំទ្រ Jennie ដោយផ្ទាល់នៅក្នុងម្មវិធីជប់លៀងឯកជន ដើម្បីអបអរការបើកអាល់ប៊ុមថ្មីរបស់ក្រុម BLACKPINK ។

តាមរយៈការចូលរួមក្នុងពិធីជប់លៀង Private Listening Party ​​អ្នក​គាំទ្រ​កាន់​តែ​ជឿ​ជាក់​ថា V និង Jennie ជា​គូស្នេហ៍​នឹង​គ្នាពិត​ ព្រោះក្នុងពិធីតន្ត្រីមួយនេះមានតែ V ម្នាក់ប៉ុណ្ណោះ ដែលជាសមជិក BTS ត្រូវបានអញ្ជើញជាភ្ញៀវពិសេស។

មិនអស់ត្រឹមនេះទេ ប៉ុន្មានថ្ងៃមុន អ្នកលេងអ៊ីនធឺណិតចាប់បានតម្រុយផ្សេងទៀតដែលបញ្ជាក់អំពីទំនាក់ទំនងរបស់តារា K-pop មួយគូនេះ។ គេបានរកឃើញរូបថតជាច្រើនសន្លឹកដែលបញ្ជាក់ថា V និង Jennie បានដើរលេងជាមួយគ្នា​​ នោះគឺជារូបថត ដែលពួកគេថតនៅកន្លែងតែមួយ ក្នុងថ្ងៃតែមួយ។

ក្រោយរកឃើញភស្តុងតាងជាច្រើនកន្លងមក ក្រុមហ៊ុនកម្សាន្ត HYBE បានចេញមុខឆ្លើយតបកាលពី​ថ្ងៃ​ទី៨ ខែ​កញ្ញា កន្លងទៅថា ខ្លួនមិនអាចនិយាយអ្វីបានច្រើនទេចំពោះទំនាក់ទំនងរបស់ V និង Jennie ព្រោះវាជារឿងឯកជន។ យ៉ាង​ណាមិញ បន្ទាប់ពីឮការឆ្លើយតបនេះ អ្នកគាំទ្រ V-Jennie បង្ហាញក្ដីត្រេកអរជាខ្លាំង ដោយសារវាជាចម្លើយដែលមិនបង្ហាញការជំទាស់៕

ប្រែសម្រួល៖ សន្យា

ចុចអាន៖ បែកធ្លាយរូបថតច្រើនសន្លឹករបស់ Jennie និង​ V សង្ស័យមានគេលួចចូល iCloud

ចុចអាន៖ អ្នកលេងអ៊ីនធឺណិតកាន់តែសង្ស័យខ្លាំង ក្រោយធ្លាយរូបភាព V បង្ហោះដូច Jennie បេះបិទ