ជីវិតកម្សាន្ដ

សុខ ពិសី ស្ទើរមិនជឿថា ខ្លួនឯងអាចធ្វើបាន និងទទួលការសរសើរពីអ្នកគាំទ្រ ក្នុងចម្រៀង ១ បទ

បានផុស

២ years មុន

នៅ

ថ្ងៃសុក្រ ៣០ កញ្ញា ២០២២

ដោយ

កញ្ញា សុខ ពិសី មកទល់បច្ចុប្បន្នត្រូវបានគេចាត់ទុកថា នាងជាកំពូលតារាចម្រៀងសំនៀងផ្អែម ដែលរក្សាបានការគាំទ្រ និងមានប្រជាប្រិយភាពមិនចេះថមថយ។ ម្យ៉ាងទៀត ពិសី ថ្វីត្បិតនាងមានវ័យកាន់តែជ្រេបន្តិចមែនប៉ុន្តែគេនៅគិតថាកញ្ញា សុខ ពិសី ជារាជិនីសម្រស់ដែលស្រស់ស្អាតខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកបើចាប់អារម្មណ៍កាលពីថ្មីៗនេះ កញ្ញា សុខ ពិសី ក៏បានសាងប្រជាប្រិយភាព និងទទួលបានការកោតសរសើរច្រើនបន្ថែមទៀត ក្រោយពេលនាងបានបង្ហើរសំនៀងតាមរយៈចម្រៀងមួយបទក្រោមចំណងជើងថា«ស្ពានសាងស្នេហ៍»នៅក្នុងកម្មវិធីមួយ ដោយប្រើទឹកដមសមឡេងដ៏ផ្អែមពីរោះលន្លង់លន្លោចស្ដាប់ហើយជក់ចិត្តគ្រប់គ្នាតែម្ដង។

ត្រង់ចំណុចនេះហើយ ទើបធ្វើឲ្យសាមីខ្លួន កញ្ញា សុខ ពិសី បង្ហាញការសប្បាយចិត្ត និងរំភើបខ្លាំង ដោយហេតុថា ដំបូងឡើយនាងគិតថាខ្លួនប្រហែលជាមិនអាចធ្វើបានល្អទេ ព្រោះនាងជាអ្នកចម្រៀងសម័យ។ កញ្ញា សុខ ពិសី បានបង្ហោះសារភ្ជាប់ការសរសើរពីអ្នកគាំទ្រថា ជម្រាបតាមត្រង់ដំបូងខ្ញុំគ្មានជំនឿចិត្តថា ខ្ញុំនឹងធ្វើបានទាល់តែសោះ ព្រោះនាងខ្ញុំជាតារាចម្រៀងសម័យដូចច្នេះការបកស្រាយក៏មិនល្អឥតខ្ចោះ។

កញ្ញា សុខ ពិសី បញ្ជាក់ថា ភាពភ័យភាពបារម្ភ ត្រូវបានរំសាយក្រោយបានឃើញCommentsលើក ទឹកចិត្តរបស់បងប្អូនទាំងអស់គ្នា។ អរគុណគ្រប់យ៉ាងគោរពស្រលាញ់បងប្អូនទាំងអស់គ្នាពេញបេះដូងរបស់នាងខ្ញុំ។ សូមជម្រាបថា កញ្ញា សុខ ពិសី សព្វថ្ងៃនៅតែរក្សាបានសន្ទុះនៃការគាំទ្រ និងមានទីផ្សារចម្រៀងខ្លាំង មិនចាញ់មិត្តភក្តិរួមជំនាន់ឡើង ខណៈរូបសម្ផស្ស សុខ ពិសី គឺរក្សាបានភាពស្រស់ស្អាត និងមានរាងតូចច្រឡឹងគួរឲ្យស្រលាញ់៕