Connect with us

ជីវិតកម្សាន្ដ

ខេម ទុកពេលឲ្យ៣ខែសម្រាប់អ្នកលក់លៀសហាលដែលមានសំនៀងដូចខ្លួន

បានផុស

នៅ

តារាចម្រៀងសម្លេងស្អកម្ចាស់បទ “ទឹកភ្នែកក្មេងពាល” លោក ខេម ពេលនេះកំពុងមានវត្តមាននៅលើទឹកដីប្រទេសសម្បូរ​ដុល្លារសហរដ្ឋអាមេរិកដើម្បីច្រៀងរាំកម្សាន្តសប្បាយជាមួយបងប្អូនអានិកជនខ្មែររស់នៅទីនោះ។

អំឡុងពេលកំពុងស្នាក់នៅទីនោះលោក ខេម គឺទទួលបានការស្វាគមន៍ និងគាំទ្រយ៉ាងកក់ក្តៅពីសំណាក់ពលរដ្ឋខ្មែរនៅទីនោះ។​ ម្យ៉ាងទៀតបើតាមការបង្ហើបដំណើរឆ្លងប្រទេសរបស់តារាចម្រៀង ខេម នេះមានរយ:ពេល៣ខែ នឹងត្រូវវិល​ត្រឡប់មកប្រទេសកម្ពុជាវិញតាមការកំណត់របស់អ្មកដែលធានាយកទៅច្រៀននៅទីនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លៀតពេលដែលលោក ខេម ស្ថិតនៅទឹកដីអាមេរិកនេះដែរស្រាប់តែមានការចាប់អារម្មណ៍ និងភ្ញាក់ផ្អើលគ្រប់គ្នាក្រោយមានការចែករំលែកនូវវីដេអូខ្លីមួយបង្ហាញពីសកម្មភាពបុរសលក់លៀសហាលម្នាក់ដែលបានយកបទចម្រៀងរបស់លោក ខេម មកបកស្រាយយ៉ាងពិរោះ។ មិនតែប៉ុណ្ណោះសម្លេងរបស់បុរសរូបនេះត្រូវបានគេប្រៀបធៀបថាដូចទៅនឹងសម្លេងម្ចាស់ដើមលោក ខេម ផងដែរ។

ដោយឃើញបែបនេះចំពោះសាមីខ្លួនលោក ខេម មិនបង្អែបង្អង់យូរនោះទេ បានចេញមកបង្ហោះសំណេរភ្ជាប់នឹងវីដេអូនោះថា បងមកអាមេរិកមិនទាន់បានប៉ុន្មានថ្ងៃផងប្អូនចង់ដណ្ដើមអាជីពបងហើយ សង្ឃឹមពេលបងត្រឡប់ទៅវិញ ប្អូនប្រគល់អាជីពនេះជូនបងវិញ សំខាន់សក់របស់ប្អូនពិតជាពិបាករកណាស់ម៉ូតបែបនេះ អរគុណសម្រាប់ការស្រលាញ់គាំទ្រ ។

ជាមួយគ្នានេះក៏មានការបញ្ចេញមតិជាច្រើនពីសំណាក់អ្នកគាំទ្រដោយក្នុងនោះក៏មានអ្នកស្នើរសុំឲ្យលោក ខេម ជួយជ្រោមជ្រែងបុរសខាងលើផងដែរ។ ចំណែកតារាចម្រៀងលោក ខេម ក៏បានខមមិនឆ្លើយតបអ្នកគាំទ្រនិយាយលេងសើចទៅកាន់បុរសនោះថា គេនិយាយគ្នាហេីយ​ទុកពេលអោយតែបីខែទេ។ ខ្ញុំឮបទនេះនឹកចូលឆ្នាំខ្មែរទៀតហេីយ តេីបង ប្អូនដូចខ្ញុំទេ ៕

អត្ថបទ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម