Charmaine Sheh បដិសេធសម្ដែងតួចិត្តអាក្រក់ដល់ទៅ ១៥ ឆ្នាំ ដោយសារហេតុផលមួយ

តារាហុងកុង Charmaine Sheh ដែលយើងឧស្សាហ៍ឃើញមុខក្នុងរឿងរបស់ TVB បានធ្វើការបដិសេធសម្ដែងតួចិត្តអាក្រក់រយៈពេល ១៥ ឆ្នាំក្រោយបាត់បង់ឱកាសផ្សព្វផ្សាយផលិតផល ។

ជាក់ស្ដែងក្នុងឈុតឆាកមួយនៃរឿង “សង្គ្រាម និងសម្រស់ (២០០៤)” ដែលជាដើមចមបញ្ហាគឺគេតម្រូវឲ្យ Charmaine បោចសក់ និងច្រាន Gigi Lai ទម្លាក់កាំជណ្ដើរ បន្ទាប់ពីការចាក់ផ្សាយជាសាធារណៈភ្លាម Charmaine ក៏បាត់បង់ឱកាសផ្សព្វផ្សាយនំលោកខែភ្លែត ។

ដំបូងឡើយនាងត្រូវតែងខ្លួនជាព្រះនាងឆាងអឺដើម្បីផ្សព្វផ្សាយនំលោកខែ ប៉ុន្តែឈុតឆាកនោះធ្វើឲ្យគេមិនហ៊ានយកនាងថតព្រោះ ព្រះនាងឆាងអឺគឺជាមនុស្សស្រីទន់ភ្លន់ផ្ទុយពីតួដែលនាងទទួលសម្ដែង ។

ទីបំផុតតារាស្រីវ័យ ៤៧ ឆ្នាំខាងលើសម្រេចចិត្តទទួលសម្ដែងតួកាចដដែលដោយសារអ្នកនិពន្ធ Yu Zheng ជាអ្នកបញ្ចុះបញ្ចូលផ្ទាល់ លើសពីនេះទៀតឱកាសការងាររបស់នាងក៏រីកចម្រើនខុសពីមុនដែរ ៕

ប្រែសម្រួល ៖ វារី

ចុចអាន ៖ Carlos Chan ខំរកលុយដើម្បីរៀបការ សឹងតែគ្រោះថ្នាក់ដល់ជីវិត