G-Devid ចេញមកនិយាយភ្លាមៗ ក្រោយផ្ទុះបទ”ចុមអាអូនអត់ដេក” ត្រូវលុបចេញពីយូធូប

អ្នកគាំទ្រ និង​ប្រើប្រាស់​បណ្ដាញ​សង្គម​ហ្វេសប៊ុក មាន​ការ​ភ្ញាក់ផ្អើល​គ្រប់គ្នា បន្ទាប់ពី​ផ្ទុះ​ព័ត៌មាន​ថា បទ​”​ចុម​អា​អូន​អត់​ដេក​” របស់​តារា​រ៉េប លោក ងួន ចាន់​ដេវីត ហៅ G-Devid ត្រូវ​លុប​ចេញពី Youtube ដោយ​សង្ស័យ​ពាក់ព័ន្ធ​កម្មសិទ្ធិបញ្ញា​បទ​ដើម​(Copyright)។

បន្ទាប់ពី​មាន​ដំណឹង​ដ៏​រសើប​នេះ​នៅ​រសៀល​ថ្ងៃ​ទី ២០ ខែ​មេសា ឆ្នាំ ២០២៣ នេះ តារា​ចម្រៀង​លោក G-Devith បាន​ចេញ​មក​ឆ្លើយតប​ដូច្នេះ​ថា «បើ​ជ្រុល​ជា Send link ទៅ​គេ​ហើយ Send ឲ្យ​គ្រប់ link ផង​កុំ Send តែមួយ។ បញ្ហា​នេះ​បាន​កើត ព្រោះ​គេ Strike ទៅ​លើ Loops ចម្លែក​ចិត្ត​ត្រង់​ថា ការ report នេះ គឺ​មិនមែន​តាមរយៈ Ai scan នោះ​ទេ ,សម្រាប់ link ផ្សេង​ទៀត​ដំណើរការ​ធម្មតា»។

លោក G-Devith បាន​និយាយ​បន្ត​ថា «ខ្ញុំ​នៅតែ​ញញឹម​បាន ព្រោះថា​ខ្ញុំ​មិន​បាន​លើក​ទាំង​ដុល​មក​ទេ គ្រាន់តែ​មាន​ផ្នែក​មួយ​ជា Loops ណាមួយ​បញ្ហា​នេះ​មិនមែន​មានតែ​ខ្ញុំ​ទេ​ដែល​ធ្លាប់​ជួប។ គ្រាន់តែ​ដើម្បី​បង្វែរ​សាច់​រឿង​សោះ​ណ៎ ទៅ​ដុក​ឲ្យ​គេ​ចាប់ Dinosaur ដាក់​ទ្រុង​អី​ណា ភ័យ​អើយ​ភ័យ។ ( បើ​សម្រាប់​បទ​ចម្រៀង​ថា copy melody lyric វា​មិន​អាច​ទេ,បើ​អាច​លើកលែង​តែ​ត្រចៀក ឬ មិន​ចង់​ទទួល​យក)»។

ជុំវិញ​បញ្ហា​នេះ អ្នកគាំទ្រ​កំពុង​នាំគ្នា​តាមដាន​បន្ត ខណៈ​មិន​ទាន់​ទាក់ទង​ស្វែងរក​ការ​សួរនាំ​បន្ថែម​ពី​លោក G-Devith បាន​នៅឡើយ​ទេ៕

អត្ថបទ ៖ ចាន់រ៉ា