Chompoo បង្ហាញមួយឈុតទៀតលើទឹកដី បារាំង ហ្វេនសរសើរសម្រស់ស្អាតខ្លាំង

តារាសម្ដែង Chompoo Araya ទើបតែបង្ហាញខ្លួនដើរលើកម្រាលព្រំក្រហម​នៃមហោស្រពភាពយន្តលំដាប់ពិភពលោក​នៅទីក្រុង Cannes ម្ដងទៀត​ក្រោយខកខានអស់ពេល៤ឆ្នាំ ខណៈថ្មីៗនេះនាងបញ្ចេញរ៉ូបពណ៌ខៀវ បង្ហាញខ្សែកពេជ្រស្អាតដូចព្រះនាង។

ទោះយ៉ាងណា នៅក្នុងកម្មវិធីលំដាប់អន្តរជាតិធំៗអ្នកម្ដាយកូនបី​ Chompoo Araya តែងតែបង្ហាញនៅឈុតប្លែកៗមិនច្រលំគេឯងឡើយ។ ជាពិសេសរាល់សកម្មភាពដែលនាងបង្អួតលើកម្រាលព្រំនៅ​ទីក្រុង Cannes ម្ដង​ៗ តែងតែបង្កើតចំណាប់អារម្មណ៍ដល់មហាជននិងក្រុមអ្នកសារព័ត៌មាន​ជានិច្ច។

យ៉ាងណាមិញ ក្រោយបង្អួតរាងជាមួយ​រ៉ូប​ពណ៌​ផ្កាឈូក​ចាស់​ដ៏​ធ្ងន់​បំផុត​លើ​រាងកាយកាលពីម្សិលមិញ រហូតធ្វើឲ្យមនុស្សជាច្រើនមានការងឿយឆ្ងល់ថាអ្នកម្ដាយកូនបីអាចទ្របានឬទេ។ ពេលនេះ Chompoo បានមក​ជាមួយ​នឹង​រ៉ូប​ពណ៌​ខៀវចាស់ចំហ​ដើម​ទ្រូងពីម៉ាកយីហោ TONY WARD​។ ដែលនេះបញ្ចាក់បានថា នាងមិនបានធ្វើឲ្យទស្សនិកជនខកបំណងសូម្បីតែបន្តិចណានោះទេ។

ជាមួយគ្នានោះដែរ មហាជនជាច្រើន​ក៏ចូលមកកោតសរសើរដល់រូបនាង បើទោះបីជាខានបង្ហាញខ្លួនក្នុងឈុតប្លែកយូរហើយក្ដី ប៉ុន្តែ Chompoo នៅតែអាចពាំនាំឈុតធ្ងន់ៗដូចកាលប៉ុន្មានឆ្នាំមុនមកបង្អួតហ្វេនជានិច្ចដែរ។ លើសពីនេះមហាជនបានបញ្ចេញមតិថាខ្លួននាងតូចណាស់តែអាចដើរដោយទំងន់រ៉ូបដ៏ធ្ងន់នេះបានពិតជាគួរឲ្យសរសើរពីការលះបង់របស់នាងយ៉ាងខ្លាំង៕

ប្រែសម្រួល៖ សាង ស្រីល័ក្ខ

ចុចអាន៖បង្ហាញខ្លួនក្នុងកម្មវិធី Cannes តារាសម្ដែង​Chompoo​ មិនធ្វើឲ្យទស្សនិកជនខកចិត្តទេ