ជីវិតកម្សាន្ដ

ប៉ុន្មានឈុតរបស់ Chompoo លេចធ្លោលើកម្រាលព្រំក្រហម Cannes អស់ ៨ ឆ្នាំ

បានផុស

៣ years មុន

នៅ

ថ្ងៃអាទិត្យ ២៨ ឧសភា ២០២៣

ដោយ

បន្ទាប់ពីការបង្ហាញខ្លួននៅមហោស្រពភាពយន្ត Cannes បញ្ចប់នាពេលថ្មីៗនេះ តារាសម្ដែងថៃ Chompoo Araya បានបង្កើតអារម្មណ៍ជាច្រើនលើឆាកអន្តរជាតិ ខណៈឈុតដែលមានស្លៀកមានទាំងការសរសើរ និងការរិះគន់យ៉ាងខ្លាំងក្លាផងដែរ។

ទោះយ៉ាងណាក៏ដោយ អស់រយៈពេលជាង៨ឆ្នាំមកហើយដែលតារាសម្ដែងជួរមុខរូបនេះបង្ហាញខ្លួនលើកម្រាលព្រំក្រហម Cannes នាងមិនដែលឲ្យទស្សនិកជនខកចិត្ត ឬរិះគន់លើសំលៀកបំពាក់សូម្បីតែម្ដងណា។ ត្បិតថាមានការរិះគន់ក្នុងឈុតចុងក្រោយពណ៌ក្រហមក្ដីកាលពីពេលថ្មីៗនេះ ប៉ុន្តែក្នុងនោះនាងនៅតែមានអ្នកលើកទឹកចិត្តនិងសរសើរពីភាពច្នៃប្រឌិតគ្មានអ្នកដូចដដែល។

លើសពីនេះ Chompoo ក៏បានស្លៀកសំលៀកបំពាក់ប្រណិតមានទម្ងន់រហូតដល់២០គីឡូក្រាម ហើយថ្ងៃចុងក្រោយនៃកម្មវិធី នាងទទួលការរិះគន់លើឈុតពណ៌ក្រហម ដែលមានទាំងការសរសើរថាស្អាតប្លែកអមនឹងការបញ្ចេញមតិថាមិនសមនឹងរូបរាងឬស្បែកជើងមិនស៊ីនឹងរ៉ូបជាដើម។

យ៉ាងណាមិញក្នុងនាមជាតារាជួរមុខលើឆាកអន្តរជាតិ Chompoo Araya ធ្លាប់វាយលុកក្នុងកម្មវិធី Cannes អស់រយៈពេល ៨ឆ្នាំ ហើយរាល់សំលៀកបំពាកនីមួយៗមានទម្ងន់ធ្ងន់ខ្លាំងមិនធម្មតានោះទេ៕

សូមទស្សនាឈុតដែល Chompoo Araya ធ្លាប់ស្លៀកដើរលើកម្រាលព្រំក្រហម Cannes កន្លងមក៖