ជីវិតកម្សាន្ដ

YG ព្រួយបារម្ភខ្លាំងចំពោះកិច្ចសន្យារបស់ BLACKPINK ព្រោះក្រុមនេះគ្មានអ្នកជំនួសបាន

បានផុស

៣ years មុន

នៅ

ថ្ងៃពុធ ២ សីហា ២០២៣

ដោយ

កាសែត Business Post បានរាយការណ៍ថា អតីតប្រធាន YG លោក Yang Hyun Suk មានការព្រួយបារម្ភយ៉ាងខ្លាំងចំពោះស្ថានភាពកុងត្រាជិតផុតកំណត់របស់ BLACKPINK ដោយសារតែក្រុមនេះមិនអាចជំនួសបានដោយ Baby Monster ម្នាក់ឯងទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះទៀតដែរ លោក Yang Hyun Suk ក៏សម្ដែងការការព្រួយបារម្ភអំពីស្ថានភាពរបស់ក្រុម BLACKPINK ថា ការលក់ភាគច្រើនរបស់ YG បានមកពី BLACKPINK សុទ្ធសាធ ហើយក៏ធ្វើឲ្យក្រុមហ៊ុនកើនចំណូលយ៉ាងច្រើនក្រាស់ក្រែលផងដែរ។

យោងតាមការវិភាគរបស់ក្រុមហ៊ុន Hyundai Motor Securities ការរួមចំណែករបស់ BLACKPINK ចំពោះប្រាក់ចំណេញប្រតិបត្តិការរបស់ YG Entertainment ក្នុងឆ្នាំ២០២៣ ត្រូវបានគេរំពឹងថានឹងមានច្រើនជាង ៨៥%, និង ៧៥% បានមកពីការលក់សំបុត្រប្រគុំតន្ត្រី និង ៦៣% បានមកពីការលក់អាល់ប៊ុមនៅក្នុងប្រទេសកូរ៉េក្នុងឆ្នាំនេះ។

ក្រៅពី BLACKPINK គ្មានក្រុមផ្សេងទៀតនៅក្នុងស្លាកសញ្ញា ឥឡូវនេះដែលលក់បានលើសពី ១លានបន្ទះក្នុងមួយការត្រលប់មកវិញ។

ជាងនេះទៀត មានព័ត៌មានខ្លះបានបញ្ចេញមកថា Lisa សមាជិកក្រុម BLACKPINK នឹងមិនបន្តកិច្ចសន្យារបស់នាងទេ ខណៈតម្លៃភាគហ៊ុនរបស់ YG Entertainment បានធ្លាក់ចុះជិត ៨% ហើយ។ ការពឹងផ្អែករបស់ YG Entertainment ទៅលើ BLACKPINK អាចត្រូវបានគេវាយតម្លៃថាខ្លាំងពេក បើធៀបនឹងស្លាកផ្សេងទៀត Yang កំពុងមមាញឹកក្នុងការបង្កើត BLACKPINK ជាលើកទីពីរ។ ហើយទំនុកចិត្តរបស់វិនិយោគិន សម្រាប់ YG អាចនឹងត្រូវខូចខាតដោយសារកង្វះភាពចម្រុះនាពេលអនាគត៕