ជីវិតកម្សាន្ដ

Best ទម្លាយមូលហេតុ ដែលនាងមិនអាចធ្វើជាមិត្តជាមួយអតីតសង្សារ

បានផុស

៣ years មុន

នៅ

ថ្ងៃសុក្រ ២២ កញ្ញា ២០២៣

ដោយ

ត្បិតថា ត្រលប់មកនៅលីវវិញមួយរយៈធំក្ដី ប៉ុន្តែតារាសម្តែងស្រី Best Rakwanee នៅតែមានមហាជនជាច្រើនសួរថា តើនាងនឹងត្រលប់មកត្រូវរ៉ូវគ្នាជាមួយអតីតគូស្នេហ៍របស់នាងវិញទេ? ស្របពេលដែលនាងបញ្ជាក់ថា មិនមានថ្ងៃនោះទេ ហើយក៏មិនមែនជាមិត្តភក្តិដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក កាលពីពេលថ្មីៗនេះ Best បានបង្ហាញខ្លួនក្នុងកម្មវិធី De – Talk EP.18 របស់ Tum and Dome ហើយប្រាប់ពីមូលហេតុដែលនាងមិនអាចត្រលប់ទៅជាមិត្តជាមួយអតីតមិត្តប្រុសឬជាមនុស្សរាប់អានគ្នាដូចមុនបាន។

ថ្លែងក្នុងបទសម្ភានន៍នោះផងដែរ តួឯកស្រីក្នុងរឿង “បេះដូងអ្នកសង្រ្គោះ” រូបនេះបាននិយាយយ៉ាងវែងអន្លាយថា “ខ្ញុំមិនដែលគិតចង់ធ្វើជាមិត្តនឹងអតីតរបស់ខ្ញុំទេ។ ប្រសិនបើយើងជាមិត្តនឹងអតីត មិត្តស្រីថ្មីរបស់គាត់ប្រហែលជាមិនចូលចិត្តយើងទេ។ បើយើងគោរពមិត្តប្រុសថ្មី ហើយគោរពសង្សារថ្មីរបស់យើង សួរថាតើយើងនៅតែអាចធ្វើការជាមួយគ្នាបានទេ? ខ្ញុំគិតថាមិនអាចមានថ្ងៃនោះបានឡើយ” ។

សូមរម្លឹកដែរថា Best Rakwanee បានជួបជាមួយតារាសម្ដែង Tongtong Kitsakorn ក្នុងរឿងភាគ “បេះដូងអ្នកសង្រ្គោះ” ក្រោយមកពួកគេក៏ប្រកាសពីទំនាក់ទំនងស្នេហាជាសាធារណៈ។ មិនប៉ុន្មាន គូស្នេហ៍មួយនេះបានបែកគ្នាក្រោមហេតុផលមិនយល់ចិត្តគ្នា៕