ជីវិតកម្សាន្ដ

ផ្លូវការ! សមាជិកទាំងអស់របស់ BLACKPINK បន្តកុងត្រាជាមួយ YG

បានផុស

៣ years មុន

នៅ

ថ្ងៃពុធ ៦ ធ្នូ ២០២៣

ដោយ

នៅថ្ងៃទី ០៦ ខែធ្នូ ផលិតកម្ម YG Entertainment ដែលជាទីភ្នាក់ងាររបស់ក្រុម BLACKPINK បានធ្វើសេចក្តីប្រកាសមួយ បន្ទាប់ពីការពិភាក្សាយ៉ាងល្អិតល្អន់ជាមួយក្រុមនេះ ហើយនៅទីបំផុតបានសម្រេចចិត្តចុះហត្ថលេខាលើកិច្ចសន្យាផ្តាច់មុខថ្មីមួយសម្រាប់សកម្មភាពរបស់ក្រុម ដោយផ្អែកលើការជឿជាក់យ៉ាងមុតមាំចំពោះគ្នាទៅវិញទៅមក។

ផលិតកម្ម YG Entertainment បានធ្វើសេចក្ដីប្រកាសជាផ្លូវការថា “យើងបានឈានដល់កិច្ចព្រមព្រៀងដោយជោគជ័យនៅក្នុងក្រុមប្រឹក្សាភិបាលរបស់យើង ទាក់ទងនឹងការចុះហត្ថលេខាលើកិច្ចសន្យាផ្តាច់មុខសម្រាប់សមាជិកទាំងបួនរបស់ BLACKPINK ដែលជាការគោរពដល់សិល្បករ”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចរចាកិច្ចសន្យារបស់ BLACKPINK ជាមួយផលិតកម្ម YG Entertainment បានបន្តចាប់តាំងពីកិច្ចសន្យាមុនរបស់ពួកគេបានផុតកំណត់នៅក្នុងខែសីហា ខណៈពេលដែលការសម្រេចចិត្តត្រូវបានធ្វើឡើងដើម្បីបន្តសកម្មភាពក្រុម ព្រមទាំងកិច្ចសន្យាបុគ្គលសម្រាប់សមាជិកនីមួយៗមិនទាន់ត្រូវបានបញ្ចប់នៅឡើយទេ។

ទោះយ៉ាងណាក៏ដោយ យោងតាម Munhwa Ilbo បញ្ចាក់ថា កន្លងមកសមាជិកពីរនាក់រួមទាំង Lisa បានជ្រើសរើសផ្លូវបំបែកជាមួយផលិតកម្ម YG Entertainment រួចហើយ ខណៈដែលការពិភាក្សាជាមួយសមាជិកពីររូបដែលនៅសល់កំពុងដំណើរការនៅឡើយទេ។

សូមបញ្ចាក់ថា BLACKPINK បានបញ្ចប់ការប្រគំតន្ត្រីទេសចរណ៍ពិភពលោកដែលទទួលបានជោគជ័យយ៉ាងខ្លាំងរបស់ពួកគេ Born Pink ក្នុងខែកញ្ញា។ ដំណើរកម្សាន្តនេះបានទាក់ទាញអ្នកចូលរួមដ៏គួរឲ្យចាប់អារម្មណ៍ចំនួន ១.៨លាននាក់ ដែលបង្កើតការលក់កើនឡើងជិត ៣០០ ពាន់លានវ៉ុន។ ទោះបីជាមិនមានកិច្ចសន្យាផ្តាច់មុខបុគ្គលក៏ដោយ ក៏គេរំពឹងថា YG និងសមាជិកម្នាក់ៗនឹងបន្តទទួលបានប្រាក់ចំណេញយ៉ាងច្រើនពីសកម្មភាពក្រុមរបស់ BLACKPINK ៕