ជីវិតកម្សាន្ដ

ពិធីករ សុខ រ៉ាស៊ី ប្រកាសស្វែងរកអ្នកចូលរួមបរិច្ចាគឈាមសប្បុរសធម៌

បានផុស

២ years មុន

នៅ

ថ្ងៃពុធ ១៣ មីនា ២០២៤

ដោយ

ពីធីករសម្បូរវោហារសព្ទមិនចេះរឹងស្ងួតលោក សុខ រ៉ាស៊ី ត្រូវបានគេកត់សម្គាល់ឃើញថា មកទល់បច្ចុប្បន្ននេះលោកនៅតែរក្សាបានការគាំទ្រ និងមានសន្ទុះការងារខ្លាំងនៅលើវិស័យសិល្បៈពិសេសការចេញធ្វើជាពិធីករនៅតាមបណ្តាកម្មវិធីតូច-ធំមួយចំនួនជាដើម។

ជាមួយគ្នានេះដើម្បីរួមចំណែកជួយសង្គ្រោះជីវិតពលរដ្ឋ និងអ្នកជំងឺដែលកំពុងត្រូវការឈាមជាចាំបាច់ពិធីករល្បីឈ្មោះលោក សុខ រ៉ាស៊ី បានប្រកាសមកអំពាវនាវក៏ដូចជាបំផុសដល់អ្នកគាំទ្រចូលរួមបរិច្ចាគឈាមគ្រប់គ្នានាថ្ងៃទី១៦ ខែមីនា ខាងមុខ។ ប្រាកដណាស់កន្លងមក លោកក៏តែងតែបង្ហាញការងារសង្គមនឹងសប្បុរសធម៌ជាបន្តបន្ទាប់ដើម្បីចូលរួមចំណែកជួយដល់សង្គម។

បន្ទាប់ពីការងារសប្បុរសធម៌ទាំងនោះកំពុងទទួលបានការគាំទ្រពីសំណាក់មហាជន ពិធីករប្រុសរូបនេះក៏បានចេញមកបំផុសអ្នកគាំទ្រ និងមហាជនដើម្បីចូលរួមបរិច្ចាគឈាមជួយដល់សង្គម។ លោក សុខ រ៉ាស៊ី បានប្រកាសនៅបណ្ដាញសង្គមផ្ទាល់ខ្លួនថា ស្វែងរកបង ប្អូនចូលរួមកម្មវិធីបរិច្ចាកឈាមសប្បុរសធម៌ថ្ងៃទី១៦. ០៣.២០២៤ អ្នកទំនេរសូមឆាតមកខ្ញុំ។

ទន្ទឹមគ្នានឹងការប្រកាសនេះក៏មានការបញ្ជាក់បន្ថែមពីអ្នកគាំទ្រថា “ឈាមរបស់ខ្ញុំជារបស់ អ្នកឈាមរបស់អ្នកជារបស់ខ្ញុំ សូមគោរពអញ្ជើញពុកម៉ែបងប្អូនចូល រួមផ្តល់ឈាមស្ម័គ្រចិត្តទាំងអស់គ្នាដើម្បីជួយជីវិតអ្នកដែលគាត់ត្រូវការឈាមដើម្បីមានជីវិតរស់នៅតទៅទៀតតោះបងប្អូនអ្នកកំចាយមា ជួបគ្នានៅថ្ងៃទី១៦ ខែ មីនា ឆ្នាំ២០២៤ នៅសកលវិទ្យាល័យជាតិ ជាស៊ីមកំចាយមារ ស្ថិតនៅភូមិថ្នល់កែង ឃុំស្មោងខាងជើង ស្រុកកំចាយមារ ខេត្តព្រៃវែង”។

ចំពោះទង្វើរនេះត្រូវបានទស្សនិកជន និងអ្នកប្រើប្រាស់បណ្តាញសង្គមហ្វេសប៊ុកចាត់ទុកថា ជាសកម្មភាពមនុស្សធម៌ដ៏គំរូល្អមួយក្នុងការងារចូលរួមចំណែកជួយដល់សង្គម។ តាមរយៈនេះលោកក៏ត្រូវបានអ្នកនិយមលេងបណ្តាញសង្គមហ្វេសប៊ុកជាច្រើនដាក់ក្តីរំពឹងថា សុខ រ៉ាស៊ី នឹងក្លាយជាតារាគំរូល្អដល់តារាប្រុស-ស្រី ដទៃទៀតដែលគួរតែឆ្លៀតឱកាស ឬពេលវេលាផ្ទាល់ខ្លួនរួមចំណែកការងារសង្គមនេះផងដែរ៕

អត្ថបទ៖ ចាន់រ៉ា