ឈានចូលខ្ទង់៤០ហើយ តែតារាថៃ Sririta ស្លៀកស្កុតរឹបខ្លួន បង្អួតរាងរៅដូចវ័យក្រមុំ

តារាសម្ដែងស្រី Sririta Jensen បើទោះជាមានអាយុខ្ទង់ ៤០ឆ្នាំហើយក៏ដោយ តែនាងនៅតែអាចមើលថែខ្លួនឯងបានយ៉ាងល្អដូចកាលនៅវ័យក្រមុំ ស្របពេលដែលនាពេលថ្មីៗនេះ តួស្រីថៃទើបតែសម្រាល​បាន​កូន​ទី​២​ នៅ​ចុង​ឆ្នាំ​២០២៤ ប៉ុណ្ណោះ។

ថ្វីបើតែតារាស្រីវ័យ៤៣ឆ្នាំរូបនេះ ទើបតែសម្រាលបានប្រហែលមួយខែក៏ដោយ ប៉ុន្តែនាងហាក់ទទួលបានសុខរឹងមាំឡើងវិញយ៉ាងរហ័ស ដោយវិលត្រលប់ទៅរូបរាងស្រឡូនស្អាតសឹងមិនចង់ជឿនឹងភ្នែក។ ​ក្នុងពេលជាមួយគ្នានោះដែរ អ្នកម្ដាយកូន២បានបង្ហោះរូបភាព​ក្ដៅ​គគុក​មួយ​ចំនួន​នៅលើ Instagram ផ្ទាល់ខ្លួន។​ ​តាមរយៈរូបភាពនោះដែរ Sririta បានស្លៀករ៉ូបធ្វើពីស្កុតផ្អែកតាមនិន្នានការកំពុងល្បីល់ើអ់ីនធើណេត អមជាមួយនឹងចំណងជើងថា «ប្រយ័ត្ន​កុំ​ឲ្យ​ខូច ដោះស្រាយ​ដោយ​ប្រយ័ត្នប្រយែង»។

យ៉ាងណា រូបភាពភរិយាសេដ្ធីថៃបង្ហោះលើគណនីមិនបានប៉ុន្មានផង អ្នកគាំទ្រជាច្រើនបានិងសម្រុកចូលទៅបញ្ចេញមតិដូចៗគ្នាថា​តួលេខនៃអាយុលែងសំខាន់ហើយ។ ក្រោយសម្រាលកូនរួចភ្លាមមើលចុះតួស្រីហាក់ត្រលប់មករាងរៅដើមដូចកាលនៅក្រមុំ បើមិនដឹងទេ ទស្សនិកជនថ្មីថ្មោង អាចច្រឡំថាមិនទាន់មានគ្រួសារផង។

មិនតែប៉ុណ្ណោះ សូម្បីតែស្វាមីរបស់នាងគឺលោក Korn Narongdej ក៏ទ្រាំលែងបានចូលទៅបញ្ចេញមតិក្នុងន័យប្រចន្ទភរិយាផងលេងសើចផង! ទន្ទឹមគ្នាដែរ មិត្តរួមអាជីពសម្ដែងក៏ពោលសរសើររូបរាងរបស់តារាស្រីថាស្អាតខ្លាំងហើយស្រម៉ៃថានឹងបានដូចSririta នៅថ្ងៃណាមួយជាក់ជាមិនខានឡើយ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង​​ ស្រីល័ក្ខ

ចុចអាន៖អាងតែជាកូនសេដ្ឋី ស្វាមី Chompoo ឲ្យកាដូឆ្នាំថ្មីដល់បុគ្គលិកមិនសំចៃដៃឡើយ