តារាកំប្លែង គ្រត និងពលរដ្ឋខ្មែរនៅអូស្រ្តាលី ប្រមូលផ្តុំគ្នាធ្វើបាតុកម្មសន្តិភាព ជំរុញឱ្យថៃដោះលែងវីរកងទ័ពទាំង ១៨រូប

ក្នុងឆន្ទ:ស្មារតីខ្មែរតែមួយ តារាកំប្លែងល្បីឈ្មោះអ្នកនាង គ្រត និងពលរដ្ឋខ្មែរនៅអូស្រ្តាលីរាប់រយនាក់បានប្រមូលផ្តុំគ្នាធ្វើបាតុកម្មសន្តិភាពមួយ ដើម្បីសុំឱ្យមានការដោះលែងកងទ័ពខ្មែរទាំង ១៨នាក់ និងដើម្បីប្រើសំឡេងដ៏មានឥទ្ធិពលប្រកាសប្រាប់ទៅកាន់ពិភពលោក ពាក់ព័ន្ធជម្លោះឈ្លានពានរបស់ចោរសៀមមកលេីប្រទេសកម្ពុជា។

បើតាមការបញ្ជាក់ឲ្យការប្រមូលផ្តុំនេះបានធ្វើឡើង កាលពីថ្ងៃទី១៧ ខែសីហា ឆ្នាំ២០២៥ ដែលមានតារាកំប្លែងគ្រត និង បងប្អូនខ្មែរជាច្រើនបានជួបជុំគ្នារួមគ្នាជាធ្លុងតែមួយ នៅពីមុខអគារដ្ឋសភាអូស្រ្តាលី រដ្ឋខាងត្បូងទីក្រុង Adelaide មកផ្វើបាតុកម្មសន្តិភាពនេះដើម្បីសុំឱ្យដោះលែងទាហានទាំង១៨នាក់ បញ្ឈប់ការបន្ថែមវិវាទមកដល់ប្រទេសកម្ពុជាយើង។

នៅក្នុងការជួបជុំខាងលើនេះក៏មានការស្នើសុំផងដែរដល់លោក ដូណាល់ ត្រាំ ប្រធានាធិបតីរបស់សហរដ្ឋអាមេរិកជាផ្លូបន្តជួយអន្តរាគមន៍ជួយដល់ ប្រទេសកម្ពុជាពីការឈ្លានពានរបស់ទាហានសៀមមកលើកម្ពុជា ពិសេសគឺសុំឱ្យដោះលែងវីរ:កងទ័ពកម្ពុជាទាំង ១៨នាក់ មកវិញ។

ប្រាកដណាស់ នៅលើបណ្ដាញសង្គមនានារហូតមកដល់ពេលនេះ គឺមានការចែករំលែកនិងបង្ហោះសារថ្កោលទោសអំពើអាកក្រក់ឈ្លានពានរបស់សៀមមកលើប្រទេសកម្ពុជា។ ជាពិសេសគឺរឿងដែលពួកចោរសៀមខំបំភ្លៃនូវការពិតនិងលាបពណ៌មកលើកម្ពុជា ដើម្បីប្រាប់ទៅកាន់ពិភពលោកឱ្យបានដឹងកាន់តែច្បាស់ នូវទង្វើដ៏ស្មោគគ្រោគរបស់ពួកចោរសៀម។

សូមបញ្ជាក់ដែរថា កាលពីថ្មីៗកន្លងមក សម្រាប់ពលរដ្ឋខ្មែរនៅក្រៅប្រទេសដែលបាន និងកំពុងប្រើសំឡេងប្រឆាំងការឈ្លានពានរបស់ចោរសៀមនោះ រួមមាន ប្រទេសមានអូស្ដ្រាលី ជប៉ុន កូរ៉េ នូវែលសេឡង់ អាមេរិក និងប្រទេសផ្សេងៗទៀតផងដែរ។ តាមរយៈការការប្រឆាំងតវ៉ារបស់បងប្អូនខ្មែរ ដែលរស់នៅក្រៅប្រទេសនេះដែរ គឺជាការបង្ហាញឆន្ទ:ប្រឆាំងតវ៉ានឹងការឈ្លានពានរបស់ចោរសៀមដើម្បីរកយុត្តិធម៌ សន្តិភាព និងភាពស្អាតស្អំរបស់កម្ពុជា ដែលបាននិងកំពុងរស់គ្រោះពីសំណាក់ចោរថៃ៕ ចាន់រ៉ា