មេប៉ូលិសជ្រើសដោយអតីតប្រធានាធិបតីកូរ៉េ ជាប់ពាក់ព័ន្ធរឿងក្ដីគ្រឿងញៀន

មេប៉ូលិសកូរ៉េម្នាក់បានទាក់ទាញការចាប់អារម្មណ៍ពីប្រព័ន្ធផ្សព្វផ្សាយនាថ្ងៃព្រហស្បតិ៍ទី១៦ តុលានេះ បន្ទាប់ពីប្រធានាធិបតី Lee Jae Myung បានបញ្ជាដោយផ្ទាល់ ឲ្យគាត់ជាប់ក្នុងក្រុមស៊ើបអង្កេតគ្រឿងញៀនរួមគ្នារបស់អយ្យការ-ប៉ូលិស ខណៈលោកបានថ្កោលទោសក្រុមនេះ ថាជាស្ថាប័នខុសច្បាប់ ដោយសារតែអយ្យការខ្លួនឯងស្ថិតនៅក្រោមការស៊ើបអង្កេតទៅវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Baek Hae-ryong បានធ្វើសុន្ទរកថាដ៏ចម្រូងចម្រាសនៅថ្ងៃដំបូងរបស់គាត់ លើក្រុមស៊ើបអង្កេតដែលត្រូវបានបង្កើតឡើងនៅការិយាល័យព្រះរាជអាជ្ញាសង្កាត់ Seoul Eastern។

យ៉ាងណាក៏ដោយ សំណុំរឿងនេះមានតាំងពីដើមឆ្នាំ ២០២៣ នៅពេលដែលលោក Baek Hae-ryong ដែលជាប្រធានផ្នែកស៊ើបអង្កេតឧក្រិដ្ឋកម្មនៅទីប្រជុំប៉ូលិស Seoul Yeongdeungpo បានធ្វើឲ្យមានការសង្ស័យថា ការិយាល័យរបស់លោកប្រធានាធិបតី Yoon Suk Yeol ព្រះរាជអាជ្ញា និងសេវាស៊ើបការណ៍សម្ងាត់ជាតិប៉ុនប៉ងបិទបាំងការចោទប្រកាន់របស់មន្ត្រីគយក្នុងសំណុំរឿងរត់ពន្ធគ្រឿងញៀននៅប្រទេសម៉ាឡេស៊ី។

មែនទែនទៅ អយ្យការ​បាន​បើក​ក្រុម​ស៊ើបអង្កេត​លើ​ករណី​នេះ​ កាលពី​ខែមិថុនា ហើយ​លោក Lee Jae Myung បាន​បញ្ជា​កាលពី​ថ្ងៃអាទិត្យ​មុន​ ឲ្យបញ្ជូនលោក Baek ទៅ​ក្រុម​ស៊ើបអង្កេតតែម្ដង។

មេប៉ូលិសរូបនេះបានប្រាប់អ្នកយកព័ត៌មានថា «ខ្ញុំសូមអះអាងថា ក្រុមស៊ើបអង្កេតរួមគ្នាគឺជាស្ថាប័នដែលបង្កើតដោយខុសច្បាប់។ ប៉ុន្តែខ្ញុំបានចាប់ផ្តើមធ្វើការនៅក្នុងក្រុមនេះ ក្នុងនាមខ្ញុំជាមន្ត្រីសាធារណៈ ការផ្តន្ទាទោសរបស់ខ្ញុំគឺជារឿងដ៏រង្គោះរង្គើ» ។ គាត់​ថា​គាត់​មក​ធ្វើ​ការ​ព្រោះតែ​មាន​កាតព្វកិច្ច​ធ្វើ​តាម​បញ្ជាក្នុងនាមជា​បុគ្គលិកតែប៉ុណ្ណោះ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ទិន្នន័យ៖ Bang Si-hyuk មានទ្រព្យស្តុកស្តម្ភក្នុងចំណោមស្ថាបនិកក្រុមហ៊ុនដែលចុះបញ្ជី