មាតាស្តេចថៃ សោយទិវង្គតក្នុងព្រះជន្ម ៩៣ព្រះវស្សា

ម្ចាស់ក្សត្រី Sirikit ដែលជាព្រះមាតាស្តេច Vajiralongkorn បានសោយទិវង្គតហើយ ក្នុងព្រះជន្ម ៩៣ព្រះវស្សាដោយសារជំងឺ ​ឆ្លង​មេរោគ​ចូល​ក្នុង​ចរន្ត​ឈាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការផ្សាយរបស់ Khaosod, ព្រះនាង Sirikit សោយទិវង្គតនាវេលាម៉ោង៩:២១នាទី​ ថ្ងៃសុក្រទី២៤ខែតុលាឆ្នាំ២០២៥ នៅមន្ទីរពេទ្យ King Chulalongkorn Memorial។

ព្រះនាងមានជំងឺដាច់សរសៃឈាមខួរក្បាលប្រភេទ Ischemic កាលពីឆ្នាំ២០១២ ហើយចាប់តាំងពីពេលនោះមក គេមិនសូវបានឃើញព្រះរាជវត្តមានរបស់ព្រះនាងទេ។ 

ទោះបីជា​ក្រុម​គ្រូពេទ្យ​បាន​ព្យាបាល​អស់ពី​លទ្ធភាព​ក៏ដោយ តែ​ព្រះរោគ​របស់​ព្រះនាង កាន់តែ​ធ្ងន់ធ្ងរ​ឡើងៗ រហូត​ដល់យាង​សោយ​ទិវង្គត​តែម្តង។

សូមជម្រាបថា ព្រះបរមសពនឹងតម្កល់នៅឯព្រះទីនាំងទុសិតមហាប្រាសាទ ក្នុងព្រះបរមរាជវាំង ហើយព្រះមហាក្សត្រប្រកាសឲ្យព្រះរាជវង្សានុវង្សនិងនាម៉ឺនមន្ត្រីក្នុងព្រះរាជសំណាក់ កាន់ទុក្ខរយៈពេល ១ឆ្នាំគិតចាប់ពីថ្ងៃសោយទិវង្គត៕

អត្ថបទ៖ សុខ សុវណ្ណ

ចុចអាន៖ ថៃ សង្ឃឹមថា ទំនាក់ទំនងជាមួយកម្ពុជា នឹងពង្រឹងឡើងវិញ ក្នុងកិច្ចប្រជុំអាស៊ាន